Jetisý oblysynyń taýly aýdandarynda tuman túsedi
Sınoptıkter 28 qazanda Qazaqstannyń jeti oblysynda aýa raıynyń kúrt ózgerýine baılanysty eskertý jarıalady, dep habarlaıdy Almaty-akshamy.kz.
"Qazgıdromet" RMK málimetinshe, Batys Qazaqstan oblysynda ońtústik-shyǵystan jel soǵady, kúndiz oblystyń soltústik-batysynda, ońtústiginde soqqan jeldiń ekpini 20 m/s jetedi.
28 qazanda túnde jáne tańerteń Túrkistan oblysynyń ońtústiginde jáne taýly aımaqtarynda tuman bolady dep boljanady. Taýly aýdandarda shyǵystan soqqan jeldiń ekpini 20 m/s quraıdy.
Qyzylorda oblysynda shyǵystan jel soǵady, kúndiz oblys ortalyǵynda soqqan jeldiń ekpini 15-20 m/s jetedi.
28 qazanda túnde jáne tańerteń Soltústik Qazaqstan oblysynyń ońtústiginde tuman túsedi dep kútiledi. Kúndiz batystan, túnde oblystyń shyǵysynda ońtústik-batys. Kúndiz oblystyń shyǵysynda soltústikten 15-20 m/s jyldamdyqpen jel soǵady.
Kúndiz Petropavlda batystan, ońtústik-batystan jel soǵady, ekpini 15-20 m/s quraıdy dep boljanady.
28 qazanda túnde Abaı oblysynyń soltústiginde, batysynda jáne ortalyǵynda tuman, kóktaıǵaq bolady, boran soǵady. Ońtústik-batystan soltústik-batysqa qaraı oıysa jel soǵady. Túnde oblystyń soltústiginde, batysynda, ortalyǵynda jeldiń ekpini 15-20 m/s jetedi.
28 qazanda túnde jáne tańerteń Jetisý oblysynyń taýly aýdandarynda tuman túsedi dep kútiledi. Alakól aýdanynda soltústik-shyǵystan soqqan jeldiń ekpini 17-22 m/s deıin jetedi.