Kezdesý barysynda prezıdentter ekijaqty yntymaqtastyqtyń keń aýqymdy baǵyttaryn talqylady, dep habarlaıdy aqshamnews.kz Aqordaǵa silteme jasap.
Memleket basshysy dıplomatıalyq qarym-qatynas ornaǵan otyz jyldan astam ýaqytta baýyrlas qos halyq arasynda tyǵyz saıası dıalog, nátıjeli ekonomıkalyq seriktestik jáne berik mádenı-gýmanıtarlyq baılanystar jolǵa qoıylǵanyn atap ótti.
«Qazaqstan men Majarstan ortaq tarıh pen mádenıetke arqa súıeı otyryp, ekijaqty berik baılanys ornatty. Eýropadaǵy alǵashqy elshiligimiz osydan 30 jyl buryn Býdapesht qalasynda ashylǵan bolatyn. Eki eldiń nátıjeli yntymaqtastyqty damytýda zor áleýeti bar. Majarstan Qazaqstannyń táýelsizdigin alǵashqylardyń biri bolyp moıyndady. Muny erekshe atap ótý kerek. Meniń osy saparym kópqyrly yqpaldastyqty odan ári tereńdetýge Qazaqstan men Majarstannyń nıetti ekenin kórsetedi», -dedi Qasym-Jomart Toqaev.
Prezıdent saýda-ekonomıkalyq jáne ınvestısıalyq yntymaqtastyq aıasyn keńeıtýdiń mańyzyna aıryqsha toqtaldy. Onyń aıtýynsha, energetıka, kólik-logıstıka, metalýrgıa, jańartylatyn energıa kózderi, aýyl sharýashylyǵy, farmasevtıka, tamaq ónerkásibi jáne basqa da salalardy damytý máselesinde eki eldiń múddeleri saı keledi.