Bul týraly Ulttyq banktiń Qarjylyq turaqtylyq jáne zertteýler departamentiniń dırektory Oljas Kúbenbaev aıtty.
Bıylǵy III toqsanda jeke tulǵalardyń ıpoteka men avtokredıtterge, tutynýshylyq nesıelerge degen suranysy ósken, dep habarlaıdy aqshamnews.kz
“Bir banktiń ıpoteka ónimderine degen suranystyń ósýine básekeles bankterdiń kepil talaptaryn qatańdatýy áser etti. Nátıjesinde, kredıt ótinimderiniń jalpy sany toqsan boıynsha 31%-ǵa (t/t) ósip, 274 myńǵa jetti” dedi Oljas Kúbenbaev.
Bankterdiń pikirinshe, uzaqqa sozylǵan ósimnen keıin kepilmen beriletin tutyný kredıtterine degen suranys azdap tómendegen. Bul qubylysty bankter kepil talaptarynyń qatańdaýymen baılanystyrady. Alaıda, keıbir bankterdegi ótinim aǵynynyń ósýine baılanysty túsken ótinimder sany toqsan boıynsha 6%-ǵa (t/t) artyp, 48 myńǵa jetken.
Kepilsiz tutyný kredıtterine degen suranys retteýge baılanysty ózgerister aıasynda azdap tómendegeni baıqalady. Degenmen, bankterdiń pikirinshe, suranystyń tómendeýi tek talaptarǵa emes, olardy júzege asyrýdaǵy ýaqytsha tehnıkalyq máselelerge kóbirek baılanysty bolǵan. Osylaısha, túsken ótinimder sany 21,8 mln-ǵa jetip, aldyńǵy toqsandaǵymen salystyrǵanda 5%-ǵa ósken.
Avtokredıtterge degen suranystyń sál ósýi, bankterdiń pikirinshe, seriktes avtosalondardyń marketıńtik sharalaryna jáne olardyń jartylaı sýbsıdıalaǵan keıbir aksıa ónimderin usynýyna baılanysty. Nátıjesinde, kredıt ótinimderiniń sany toqsan boıynsha 10%-ǵa (t/t) ósip, 1,1 mln-ǵa jetti.