Kezdesý barysynda Prezıdentke mádenıet, sport, týrızm arhıv jáne baspa isi salalarynyń qazirgi jaǵdaıy jóninde málimet berildi.
Memleket basshysy Mádenıet jáne sport mınıstri Dáýren Abaevty qabyldady, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysyna mınıstrlikke qarasty uıymdarǵa jumys sapary týraly baıandaldy. Sapar qorytyndysy boıynsha kún tártibinde turǵan máselelerdi sheshý sharalary ázirlengen.
Dáýren Abaev Qasym-Jomart Toqaevtyń sport seksıalary men shyǵarmashylyq úıirmelerdi jan basyna qaraı qarjylandyrý, buqaralyq sportty qarqyndy damytý jóninde bergen tapsyrmalaryn oryndaý vedomstvo jumysyndaǵy negizgi baǵyttyń biri ekenin atap ótti.
Prezıdenttiń aıtýynsha, bıyl mınıstrlik jergilikti atqarýshy organdarmen birlese otyryp, Qazaqstan Respýblıkasy memlekettik rámizderiniń 30 jyldyǵyn tıisti deńgeıde atap ótýi qajet.
Memleket basshysy ulttyq sport rezerviniń iri halyqaralyq jarystarǵa, sonyń ishinde 2024 jyly Parıjde ótetin Olımpıada oıyndaryna daıyndyǵyn kúsheıtýdi tapsyrdy.
Sonymen qatar, Qasym-Jomart Toqaev jastar úshin ulttyq mádenıettiń básekege qabilettiligi men tartymdylyǵyn arttyrý qajet ekenin aıtty.
Prezıdent karantın shekteýleriniń elimizde jáne shet memleketterde jeńildetilýine baılanysty týrızm salasyn damytýdyń tyń joldaryn ázirleý mańyzdy dep esepteıdi.