Búgin Qazaqstan Prezıdenti Qasym-Jomart Toqaev birneshe taǵaıyndaý jasady.
Memleket basshysy Qasym-Jomart Toqaevtyń Jarlyǵymen Qazaqstannyń birneshe eldegi tótenshe jáne ókiletti elshisi taǵaıyndaldy, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysynyń Jarlyǵy Aqorda saıtynda jarıalandy.
Prezıdent Jarlyǵyna sáıkes, Abzal Saparbekuly Qazaqstannyń Túrkıadaǵy tótenshe jáne ókiletti elshisi laýazymynan, Albanıa Respýblıkasynda elshi qyzmetin qosa atqarýdan bosatyldy.
Onyń ornyna Erkebulan Sápıev Qazaqstannyń Túrkıadaǵy tótenshe jáne ókiletti elshisi bolyp taǵaıyndaldy. Ol endi Túrikmenstandaǵy elshi qyzmetin atqarmaıdy.
Ornyna Asqar Tájibaev taǵaıyndaldy. Tájibaev buǵan deıin Tájikstandaǵy tótenshe jáne ókiletti elshi bolatyn. Prezıdent Jarlyǵyna sáıkes, bul qyzmetke Ýálıhan Tórehanov taǵaıyndaldy.
Qazaqstannyń Kanadadaǵy tótenshe jáne ókiletti elshisi Aqylbek Kamaldınov Qazaqstannyń Kýba Respýblıkasyndaǵy tótenshe jáne ókiletti elshisi qyzmetin qosa atqarýdan bosatyldy.
Bul mindet Andrıan Elemesovke júkteldi.