Ol Ulybrıtanıa jáne Soltústik Irlandıa Birikken Koróldiginiń Premer-mınıstri bolyp taǵaıyndaldy.
Prezıdent Qazaqstan halqynyń jáne jeke óziniń atynan Lız Trassty Ulybrıtanıa jáne Soltústik Irlandıa Birikken Koróldiginiń Premer-mınıstri bolyp taǵaıyndalýymen quttyqtady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaev Lız Trass Úkimetti basqarǵan kezeńde Ulybrıtanıa budan da gúldengen jáne ornyqty memleket qurý jolynda tabandy túrde ilgerileı beretinine senim bildirdi.
«Qazaqstan Ulybrıtanıamen berik dostyq baılanystarǵa, ortaq qundylyqtar men basymdyqtarǵa negizdelgen ári uzaq jyldar boıy qalyptasqan strategıalyq seriktestikti joǵary baǵalaıdy. Qazaq-brıtan kópqyrly qarym-qatynasyn odan ári nyǵaıtý jáne ózekti jahandyq máseleler boıynsha ustanymdarymyzdy úılestirý úshin tyǵyz yntymaqtastyqqa daıyn ekenimdi jetkizgim keledi», – dep jazylǵan Memleket basshysynyń jedelhatynda.