Qazir naryqtaǵy jaǵdaı qubylmaly sıpatqa ıe.
OPEK+ uıymy munaı óndirisiniń kólemin táýligine 100 myń barelge shektegen soń, qara altyn arzandaı bastady, dep habarlaıdy Almaty-akshamy.kz Inbusiness.kz silteme jasap.
Búgin Nú-Iork saýda bırjasynda amerıkalyq shıkizattyń barreli 86 dollar 36 sentke saýdalanyp jatyr. Al Brent markaly ónim jarty paıyzǵa arzandap, fúchersi 92-ge tústi. Qazir naryqtaǵy jaǵdaı qubylmaly sıpatqa ıe. Qytaı qaıtadan shekteýlerdi kúsheıtken soń, suranys álsiredi. Onyń ústine, AQSH jáne onyń odaqtastary Reseı munaıynyń shekti baǵasyn belgilep, qysymdy kúsheıtti.
Ázirge naryqqa mol ónim shyǵarýǵa qaýqarly Iranǵa qarsy shekteýdiń alynatyn túri joq. Sebebi ıadrolyq kelisim jasaýǵa arnalǵan kelissózder tym uzaqqa sozylyp ketti. Eske sala ketsek, Tramp bılikte bolǵanda Islam respýblıkasyna qarsy sanksıa jarıalap, Iran 1 mln barel munaıyn eksporttaı almaı qalǵan edi.