Tóraǵa sot júıesiniń qazirgi qyzmeti jóninde málimet berdi.
Prezıdent Joǵarǵy Sot tóraǵasy Aslambek Merǵalıevti qabyldady, dep habarlaıdy Almaty-akshamy.kz Aqordaǵa silteme jasap.
Aslambek Merǵalıev sot júıesiniń qazirgi qyzmeti jóninde málimet berdi:
Prezıdenttiń derbes kasasıalyq ınstansıa qurý úshin konsýltasıalar ótkizý týraly tapsyrmasynyń oryndalý barysy týraly baıandady. Zańgerlermen, ǵalymdarmen, bıznes-qoǵamdastyq ókilderimen jáne Parlament palatalarynyń depýtattarymen birlese talqylaý jumystary júrgizilip, sonyń negizinde elordada (qylmystyq, azamattyq jáne ákimshilik ister boıynsha) úsh kasasıalyq sot qurý modeline oń baǵa berilgenin aıtty;
Joǵarǵy Sot aldyn ala qaraý ınstıtýtyn joıýdy, «tolyq kasasıany» qoldanýdy, qaralýy 6 aıdan aspaıtyn «aqylǵa qonymdy merzim» belgileýdi, sondaı-aq taraptardyń mindetti túrde qatysýymen sot prosesin júrgizýdi usyndy. Óz kezeginde, joǵary sot organy qadaǵalaý isine jáne sot praktıkasynyń biryńǵaı bolýyn qamtamasyz etýge basa mán beretinin jetkizdi;
ákimshilik ádilettiń jumysy men halyqaralyq yntymaqtastyqty damytý máselesi jóninde aıtty. Joǵarǵy Sot tóraǵasy sıfrlandyrý jáne sot qyzmetiniń ashyqtyǵy men sot tóreliginiń qoljetimdi bolýyn jaqsartý maqsatynda jasandy ıntellekt elementterin engizý týraly habarlady.
Memleket basshysy sot júıesinde júrgizilip jatqan reformalardyń sapasyna jáne barlyq satydaǵy isterdi qaraý kezinde zańdylyqty qamtamasyz etýge erekshe nazar aýdardy.