Jańa vagondar Pavlodar - Túrkistan baǵdary boıynsha poıyzdar quramynda júretin bolady, - dep habarlaıdy almaty-akshamy.kz "Jolaýshylar tasymaly" baspasóz qyzmetine silteme jasap.
Kompanıa parki otandyq óndiristegi taǵy 12 jańa kýpe jolaýshylar vagonymen tolyqtyrylǵany aıtylady. Zamanaýı jańa vagondar №45/46 "Pavlodar - Túrkistan" baǵdary boıynsha poıyzdar quramynda júretin bolady.
"Jolaýshylardyń jaılylyǵyn qamtamasyz etý maqsatynda jańa vagondar aýany baptaý júıesimen, aýa súzgilerimen, tútin dachıkterimen, bıodárethanalarmen jáne tambýrlardaǵy beınebaqylaý júıesimen jabdyqtalǵan. Kýpe elektr rozetkalarymen jáne USB qosqyshtarymen jabdyqtalǵan. Tıisti paıdalaný kezinde jyljymaly quramnyń qyzmet etý merzimi 40 jylǵa deıin", - deıdi kompanıa ókilderi.
Aıta keteıik, 2023 jyly qyrkúıek aıynda "Jolaýshylar tasymaly" AQ parki otandyq 32 jańa jolaýshylar vagonymen tolyqtyrylǵan bolatyn. Vagondar Aqtóbe temir jol marshrýttary boıynsha sátti júrip jatyr.
Kelesi jyldyń basynda qazaqstandyq 100 jolaýshylar vagony jolǵa shyǵady. Sonymen qatar, 2025-2030 jyldar aralyǵynda Stadler kompanıasynyń 537 vagonyn satyp alý kózdelgen.