Prezıdent shetelde jumys istep júrgen qazaqstandyq İT mamandarmen kezdesti.
Google kompanıasynyń ınjener-programmısi Araı Sabyrjan memleket basshysy Qasym-Jomart Toqaevqa álemdik IT kompanıadaǵy jumysynan alǵan áserin aıtty, dep habarlaıdy Almaty-akshamy.kz
Araı Sabyrjan 2017 jyly Almatydaǵy Halyqaralyq aqparattyq tehnologıalar ýnıversıtetin támamdaǵan. 2018 jyly San-Fransıskoǵa kóship, birneshe startap-kompanıada jumys istegen. Al qazir Google kompanıasynda vırtýaldy mashınalar baǵdarlamashysy bolyp qyzmet etedi.
Prezıdent odan Google-daǵy kelisimsharty qysqa merzimdi me dep surady. Araıdyń aıtýynsha, kelisimshart uzaq merzimdi.
Osy oraıda Memleket basshysy qazaq qyzyna elge oralýdy usyndy.
«Qazaqstanǵa qaıtyp kelseńiz, men sizdi Úkimetke qoıar edim ǵoı. Jaqsy, endi baılanysta bolamyz ǵoı. Amerıkada jaqsy, biraq Qazaqstan degen keremet qoı. Men Qazaqstanda isteı alasyz dep oılaımyn», - dedi Toqaev.