Aqordada segiz memlekettiń tótenshe jáne ókiletti elshileri men Birikken Ulttar Uıymy ókiliniń Qazaqstan Prezıdentine senim gramotalaryn tapsyrý rásimi ótti, dep habarlaıdy aqshamnews.kz
Senim gramotalaryn:
🇺🇦Ýkraına elshisi Vıktor Maıko;
🇺🇳BUU-nyń Qazaqstan Respýblıkasyndaǵy turaqty ókili Sarangoo Radnaaragchaa;
🇮🇳Úndistan Respýblıkasynyń elshisi Ia.K. Saılas Tangal;
🇩🇿Aljır Halyqtyq Demokratıalyq Respýblıkasynyń elshisi Osman Mıhadjı;
🇸🇪Shvesıa Koróldiginiń elshisi Lars Stefan Erıksson;
🇧🇪Belgıa Koróldiginiń elshisi Erık de Maıer;
🇬🇧Ulybrıtanıa jáne Soltústik Irlandıa Birikken Koróldiginiń elshisi Sallı Djeın Aksýorsı;
🇱🇻Latvıa Respýblıkasynyń elshisi Dase Rýtka;
🇬🇪Grýzıa Respýblıkasynyń elshisi Levan Dıasamıdze tapsyrdy.
Prezıdent dıplomattarǵa Qazaqstannyń kóp vektorly jáne teńgerimdi syrtqy saıasat júrgizip otyrǵanyn jetkizdi.
Memleket basshysy elimizdiń konstrýktıvti dıalog pen ózara tıimdi yntymaqtastyqqa ashyq ekenin aıtyp, jańadan taǵaıyndalǵan elshiler Qazaqstanmen seriktestik baılanystardy nyǵaıtý men keńeıtý isine belsendi túrde úles qosatynyna senim bildirdi.
Qasym-Jomart Toqaev elshilerdi dıplomatıalyq mısıalarynyń resmı túrde bastalýymen quttyqtap, olardyń memleketteriniń basshylaryna ystyq yqylasyn joldady.