Prezıdent Qasym-Jomart Toqaev Astanadaǵy Digital Bridge 2025 halyqaralyq tehnologıalyq forýmynda Alem.ai ortalyǵy búginnen jumysyn bastaǵanyn aıtty, - dep habarlaıdy aqshamnews.kz tilshisi.
"Keshe Astanada Jasandy ıntellektini damytý jónindegi keńestiń birinshi otyrysy ótti. Jıynda bilim berý máseleleri qaraldy. Álemge tanymal sarapshylarmen birge adam kapıtalyn damytý máselesi talqylandy, naqty mindetter aıqyndaldy. Eń bastysy, jasandy ıntellekt salasyndaǵy tuńǵysh zertteý ýnıversıtetin qurý týraly óte mańyzdy sheshim qabyldandy.
Sondaı-aq búgin "Alem.ai" halyqaralyq jasandy ıntellekt ortalyǵy óz jumysyn bastaıdy. Bul ortalyqty ınovasıalar men tyń ıdeıalardyń mekeni deýge bolady. Jalpy, Qazaqstan osy saladaǵy kez kelgen yntymaqtastyqqa ashyq. Sondaı-aq biz elimizde ekinshi sýperkompúter klasterin iske qosýdy josparlap otyrmyz. Jasandy ıntellekt tek ıgi maqsatqa qyzmet etýi kerek. Adam ıgiligi basty orynda turady. "Alem.ai" jasandy ıntellektini barynsha tıimdi ári etıkalyq normalarǵa saı qoldanatyn jahandyq ortalyq bolýǵa tıis. Jasandy ıntellekt tehnologıasyn jaýapkershilikpen qoldaný óte mańyzdy. Sondyqtan jańa ýnıversıtet jáne "Alem.ai" ortalyǵy birtutas ekojúıeniń negizgi ózegi retinde qyzmet etýi kerek", - dedi Toqaev.