Memleket basshysyna densaýlyq saqtaý júıesiniń qazirgi jaı-kúıi men aldaǵy kezeńge arnalǵan perspektıvti mindetteri jóninde baıandaldy, dep habarlaıdy aqshamnews.kz
Aqmaral Álnazarova:
➤ ótken jyly elimizde ómir súrý uzaqtyǵy 75,4 jasqa jetkenin aıtty.
Bul – álemdik ortasha deńgeıden joǵary kórsetkish. Bıylǵy birinshi jartyjyldyqta jalpy ólim-jitim 3 paıyzǵa tómendedi. Byltyr alǵash ret ana men bala ólimi eń az kólemde tirkeldi.
➤ alǵashqy medısınalyq-sanıtarlyq kómektiń tıimdiligin arttyrý, «Qoljetimdi emhana» tujyrymdamasyn júzege asyrý, halyqtyń skrınıngten ótýin jeńildetý boıynsha málimet berdi.
Dári-dármekpen tolyq qamtamasyz etý jáne onyń aınalymyn baqylaýdy kúsheıtý sharalary júrgizilip jatyr.
2024 jylmen salystyrǵanda dárigerler tapshylyǵy respýblıkada – 19 paıyzǵa, aýyldarda – 16 paıyzǵa jáne orta býyn medısına qyzmetkerleriniń jetispeýshiligi 7 paıyzǵa azaıdy.
➤ medısına qyzmetkerlerin qorǵaý sharalary jóninde aqparat berdi.
Bul oraıda zańnamany qatańdatýǵa, dárigerlerge shabýyl jasalǵan jaǵdaıda jedel kómek kórsetýge den qoıylady.
Mınıstrliktiń málimetinshe, kelesi jyldan bastap áleýmettik osal toptaǵy 1 mıllıon adam medısınalyq saqtandyrýmen qamtylady.
Memleket basshysy:
«Aýylda densaýlyq saqtaýdy jańǵyrtý» ulttyq jobasy aıasynda eldi mekenderdegi alǵashqy medısınalyq-sanıtarlyq kómek kórsetý nysandarynyń qurylysyn jyl sońyna deıin aıaqtaý, mindetti medısınalyq saqtandyrý júıesin tıimdi etý, asa mańyzdy dári-dármekterdiń otandyq óndirisin damytý boıynsha birqatar mindet júktedi.
Sondaı-aq azamattardyń densaýlyǵyn nyǵaıtý jáne medısınalyq kómektiń sapasy men qoljetimdiligin arttyrý jumystaryn jalǵastyrý jóninde tapsyrma berdi.