Qazaqstan Prezıdenti Qasym-Jomart Toqaev ınvestısıalarǵa qatysty tapsyrmany oryndaý úshin premer-mınıstr Oljas Bektenovke 10 kún berdi, dep habarlaıdy Aqshamnews.kz.
Memleket basshysy halyqqa Joldaýynda Qazaqstanǵa ınvestısıalyq qarajattyń qaıda, ne úshin jáne qandaı kólemde qajet ekenin naqty aıqyndaý qajettigin aıtty.
Toqaev ınvestısıalarǵa suranys óndiristik sektordyń qajettilikterine sáıkes qalyptasýy tıis ekenin atap ótti. Prezıdenttiń aıtýynsha, elde ınvestorlarmen ózara is-qımyldyń kólemdi ári bytyrańqy júıesi qalyptasqan.
"Bul sózsiz búrokratıaǵa, fýnksıalardyń qaıtalanýyna alyp keledi. Sonyń saldarynan jumys qanaǵattanarlyq deńgeıde atqarylmaı otyr. Qazirgi kúrdeli jaǵdaıda ınvestısıa tartý – bizden jańa tásilderdi talap etetin birinshi kezektegi mindet. Árbir jaǵdaıda ınvestısıa tartýǵa qatysty barlyq uıymdastyrý jumysy Premer-mınıstrge tolyq júkteletinin erekshe atap ótkim keledi. Jańa mınıstrlik qurýdyń qajettiligi joq, alaıda memlekettik organdardyń ataýynda “ınvestısıa” sózi joq ekeni kózge urady.
Bul másele 3-4 mekemeniń quzyretinde bolyp, sheshimin tappaı otyr. Sondyqtan Premer-mınıstrge naqty usynystar ázirleý úshin 10 kún beremin. Sonymen qatar Úkimetke ınvestısıa tartý júıesin túbegeıli jańǵyrtý jónindegi is-qımyl josparyn qysqa merzimde daıyndaýdy tapsyramyn", – dedi Memleket basshysy.
Eske sala keteıik, 8 qyrkúıekte Prezıdent halyqqa Joldaý jasap, aldaǵy jylǵa arnalǵan «eldiń ekonomıkalyq jáne áleýmettik saıasatynyń mańyzdy maqsattary men mindetterin» aıqyndaıdy.