Búgin AQSH-ta Táýelsizdik deklarasıasy qabyldanǵan kún.
Qasym-Jomart Toqaev AQSH-tyń Táýelsizdik kúnine oraı Djozef Baıdenge quttyqtaý jedelhatyn joldady, dep habarlaıdy Almaty-akshamy.kz Aqordaǵa silteme jasap.
Memleket basshysy Qasym-Jomart Toqaev AQSH Prezıdenti Djozef Baıdendi jáne Amerıka halqyn Táýelsizdik kúnimen quttyqtady.
Prezıdent Qazaqstan men Amerıkanyń qaýipsizdikti qamtamasyz etý, energetıka, ınvestısıa tartý, klımattyń ózgerýine qarsy kúres salalaryndaǵy keńeıtilgen strategıalyq seriktestiktiń jáne eki el halyqtary arasyndaǵy qatynastardyń qarqyndy damyp kele jatqanyn atap ótti.
Memleket basshysy óz jedelhatynda Ortalyq Azıa aımaǵynyń qaýipsizdigi men ózara baılanysyn nyǵaıtýǵa qoldaý kórsetkeni úshin rızashylyǵyn bildirdi.
Sonymen qatar Qasym-Jomart Toqaev barlyq saladaǵy yntymaqtastyqtyń odan ári tabysty damı beretinine senim bildirdi.