Energetıka mınıstrliginiń basshysy B. Aqsholaqov aǵymdaǵy tómen baǵalardy saqtap otyrsaq, qansha janarmaı óndirsek te, barlyq suranysty qamtamasyz ete almaımyz degen oıyn aıtty, dep habarlaıdy Almaty-akshamy.kz.
«Baǵalar arasyndaǵy aıtarlyqtaı aıyrmashylyqqa baılanysty kórshi elderge «aǵyn» jalǵasa beredi, onyń kólemi arta túsedi. Eshqandaı shekteýler kútilgen nátıje bermeıtini anyq. Sondaı-aq janarmaı baǵasyndaǵy dısproporsıa «kóleńkeli» naryqty damytyp, ulttyq ekonomıkaǵa/múddege keri áserin tıgizedi», - dedi ol.
Mınıstr sondaı-aq janarmaıǵa tómen baǵanyń saqtalýy munaı-gaz salasyna ınvestısıa tartý, ony damytýǵa, geologıalyq barlaý jumystaryn júrgizip, resýrstyq bazany tolyqtyrýǵa múmkindik bermeı otyrǵanyn aıtty.