QR Energetıka mınıstri Bolat Aqsholaqov aıtýynsha, kórshi elderdegi baǵa kúrt kóterilgen kezde, biz dızel óndirý kólemin arttyrsaq ta, kúz aılarynda onyń tapshylyǵy bolǵan, dep habarlaıdy Almaty-akshamy.kz.
«Osy jyly da baǵadaǵy aıyrmashylyq saqtalyp otyr. Nátıjesinde ótken jylǵy naýryz aıymen salystyrǵanda tutyný kólemi 15%-ǵa artqanyn kórip otyrmyz. Bul jaǵdaı saqtala berse, onsyz da shetel asyp otyrǵan qazaqstandyq dızeldiń kólemi arta túsip, bıyldyń ózinde 850 myń tonna defısıtke tap bolýymyz múmkin», - dedi mınıstr brıfıń barysynda.
Aldyńǵy jyldary tapshylyqty óndirý kólemin arttyrý arqyly jaýyp otyrsaq, qazir otandyq munaı zaýyttary maksımaldi rejımde jumys jasap tur. Aldaǵy 6 jylda dızel kólemin birneshe ese arttyratyn múmkindik joq.
«Atalǵan sebepterge baılanysty Qazaqstan arzan otynmen basqa elderdiń ekonomıkasyn sýbsıdıalandyryp, óz ulttyq múddesine zıany tıip jatyr dep aıtýǵa tolyq negiz bar», - dep atap ótti Energetıka mınıstri Bolat Aqsholaqov.