Zańǵa ózgerister engiziledi.
Nesıe berý kezindegi táýekelderdi azaıtý úshin depýtattar keıbir zańnamalyq aktilerge ózgeris pen tolyqtyrý engizýdi kózdep otyr, dep habarlaıdy Almaty-akshamy.kz
Bul jaıly depýtat Tatána Saveleva aıtyp berdi.
Zań jobasy mynadaı ózgeristerdi kózdeıdi:
kredıtter boıynsha merzimi ótken jaǵdaıda azamattarǵa jańa tutynýshylyq kredıtter berýge tyıym salý;
90 kún ótkennen keıin barlyq kredıtter boıynsha syıaqy esepteýge tyıym salý;
bankterdiń jáne MQU-nyń kolektorlyq agenttikterge azamattardyń kredıtterin satýyn shekteý;
kolektorlyq agenttikterdiń satyp alynǵan bereshekti retteýdi júrgizý mindetin engizý;
NQA sáıkes, Qarjy naryǵyn retteý jáne damytý agenttigimen tutynýshylyq banktik qaryzdyń merzimi, somasy jáne ózge de sharttary boıynsha shekteýler belgileý;
kámeletke tolmaǵan balalary bar otbasylardy jylytý maýsymynda jalǵyz turǵyn úıden shyǵarýǵa tyıym salý.
bankterge óndirip alý nátıjesinde banktiń menshigine ótken turǵyn úıdi burynǵy ıesine (qaryz alýshyǵa)jalǵa berýge múmkindik berý;
tólem talabyn qoıǵan kezde banktik shotta keminde 2 PM mólsherinde aqshany saqtaý;
kredıt alýdan erikti túrde bas tartylǵan jaǵdaıda azamattardyń kredıtteri boıynsha boryshty esepten shyǵarý.
áskerı qyzmet kezeńine merzimdi sarbazdar úshin syıaqysyz kredıtter boıynsha mindetti keıinge qaldyrýdy engizý.
Budan basqa, zań jobasynda ózgerister engizýdi kózdeıtin normalar bar:
Qylmystyq kodeksi jáne ákimshilik quqyq buzýshylyq týraly kodekske jeke derekterdi satqany, abonenttiń nómirin aýystyrǵany jáne abonenttik nómirdi basqa tulǵalarǵa zańsyz bergeni úshin qylmystyq jáne ákimshilik jaýaptylyqty belgileý kózdelgen.
Depýtattar bastamashylyq etken zań jobasy boıynsha úkimettiń qorytyndysy 2023 jylǵy 12 qarashada alynǵan. Bastamalardyń kópshiligi qoldaý tapqan, biraq sonymen birge keıbir tujyrymdamalyq ustanymdar boıynsha, atap aıtqanda kolektorlyq kompanıalarǵa qaryzdardy satýǵa tyıym salý boıynsha úkimet depýtattar kelispeıtin jáne jumys toptarynda osy normany engizý jónindegi jumysty jalǵastyratyn balama ustanym usynyp otyr.