Qazaqstan Respýblıkasynyń Táýelsizdik kúni Almaty halyqaralyq áýejaıynda týrıserdi shokoladpen qarsy aldy
Qazaqstan Respýblıkasynyń Táýelsizdik kúnine oraı Almaty qalasynyń Týrızm basqarmasy QR UQK Shekara qyzmeti janyndaǵy shekaralyq baqylaý basqarmasymen jáne Almaty halyqaralyq áýejaıymen birlesip «Syılyqqa tátti kádesyı» aksıasyn ótkizdi, dep habarlaıdy almaty-akshamy.kz
Halyqaralyq jolaýshylar termınalyndaǵy pasporttyq baqylaý aımaǵynda sheteldik qonaqtarǵa Qazaqstannyń memlekettik rámizderin beıneleıtin qazaqstandyq shokolad usynyldy. Tátti syılyqpen birge qonaqtarǵa jergilikti qolónershi boıaǵan kıiz úı túrindegi eskertkish tósbelgiler syıǵa berildi.
Osylaısha, týrıserdi «tabaldyryqtan» bastap el úshin qandaı erekshe kúni kelgenderimen tanystyryldy. Mundaı is-sharalar qalanyń bedelin nyǵaıtýǵa jáne Almatyny tartymdy týrısik destınasıa retinde ilgeriletýge baǵyttalǵan.
Aıta keteıik, Almaty Qazaqstanǵa kelgen árbir ekinshi sheteldik týrısi tartady. 9 aıdyń qorytyndysy boıynsha megapolıstegi týrıser sany 17,4% – ǵa ósip, 1,5 mıllıon adamnan asty, onyń ishinde 400 myńnan astamy sheteldik, 1 104,6 myńy ishki týrıser.
Kelýshilerdiń eń kóbi Reseıden, Qytaıdan, Úndistannan, Túrkıadan, AQSH-tan, Ońtústik Koreıadan, Ózbekstannan, Qyrǵyzstannan, Germanıadan kelip jatqandary baıqalady.