Elimizde qolma-qol jáne bólip tóleıtinder úshin eki túrli baǵa engizilmek, dep habarlaıdy aqshamnews.kz
Qarjy naryǵyn retteý agenttiginiń tóraıymy Mádına Ábilqasymova taýarlardy qolma-qol jáne bólip tólep satyp alatyndar úshin eki túrli baǵa kórsetý bastamasyn qoldady.
Ábilqasymovanyń sózinshe, bólip tóleý — bul bank arqyly rásimdeletin nesıeniń bir túri. Sondyqtan satyp alýshy qansha artyq tóleıtinin naqty bilýi kerek. Bul baǵany salystyryp, sanaly sheshim qabyldaýǵa múmkindik beredi deıdi.
«Eger taýardy qolma-qol aqshaǵa alsa — bir baǵa, al bólip tóleýmen alsa — qansha qosymsha ústeme aqy qosylatyny naqty kórsetilýi kerek. Dál nesıe alǵandaǵy sıaqty. Paıyzy men jalpy artyq tólem mólsherin bilý qajet», - dedi.
Agenttik múddeli memlekettik organdarmen birlesip, tutynýshylardy aqparattandyrý jáne jasyryn ústeme baǵalardy boldyrmaý úshin dıfferensıaldy baǵa júıesin engizý baǵytynda jumysty jalǵastyrmaqshy. Osyǵan qatysty zańǵa ózgeris engizý máselesi jyl sońynda sheshilmek.