Júldegerge syıaqy tabystaldy.
InterContinental Almaty qonaq úıinde bokstan Tokıo-2020 Olımpıadasynyń júldegerlerine aqshalaı syıaqy tabys etildi, dep habarlaıdy Almaty-akshamy.kz. QazAqparat saıtyna silteme jasap.
Elimizdiń boks federasıasynyń prezıdenti Keńes Raqyshev Olımpıadanyń qola júldegeri Sáken Bıbosynov pen Qamshybek Qońqabaevqa 50 000 AQSH dollary, Qazaqstan ulttyq quramasynyń jattyqtyrýshysy - Myrzaǵalı Aıtjanov pen Seıitjan Tókenovke 10 000 AQSH dollary kólemindegi aqshalaı sertıfıkat tabystady. Sondaı-aq, quramanyń bapkerleri men Olımpıada qatysýshylary da nazardan tys qalǵan joq.
Dálirek, bokstan Qazaqstan ulttyq quramasynyń bas bapkeri Ǵalymbek Kenjebaev, bokstan Qazaqstan ulttyq quramasynyń jattyqtyrýshysy - Marat Jaqıev, Nurlan Aqúrpekov, Marat Manashev, Roman Mınıchkın, Olımpıadaǵa qatysqan boksshy Serik Temirjanov baǵaly syılyqtarmen marapattaldy.