Almatyda tanymal bloger Zaır Rzaevtyń qatysýymen quqyq buzýshylyq oqıǵasy tirkeldi
Áleýmettik jelilerde kólikte otyryp aspanǵa oq atqan azamattardyń beınejazbasy taraldy. Olardyń qatarynda tanymal almatylyq bloger Zaır Rzaev ta bar. Beınerolıkten oqıǵa ornynda adamdardyń toıǵa jınalǵanyn baıqaýǵa bolady.
Osy jaǵdaıǵa baılanysty Almaty oblysynyń Polısıa departamenti resmı túsinikteme berdi.
"Almaty oblysynyń polısıasy quqyq buzýshylardyń jeke basyn anyqtaý boıynsha qajetti is-sharalardy júrgizip jatyr. Olar qoldanystaǵy zańnamaǵa sáıkes mindetti túrde jaýapqa tartylady," - dep habarlady departament baspasóz qyzmeti.
Bul oqıǵa áleýmettik jelilerde úlken rezonans týdyryp, qoǵamnyń nazaryn aýdardy. Kópshilik quqyq buzýshylyqtyń qatań túrde jazalanýy qajet dep esepteıdi.