Memleket basshysy Qasym-Jomart Toqaev birqatar zańdarǵa tolyqtyrýlar men ózgertýler engizdi.
Memleket basshysy Qasym-Jomart Toqaev birqatar zańdarǵa tolyqtyrýlar men ózgertýler engizdi. Jańa zańnamalyq aktiler jemqorlyqqa qarsy is-qımylǵa, halyqtyń áleýmettik jaǵdaıyn kóterýge, ekologıa men janýarlardy qorǵaýǵa qatysty máselelerdi qamtıdy, dep habarlaıdy Almaty-akshamy.kz almaty.tv-ge silteme jasap.
Bıyl Parlament qabyldaǵan birqatar zańdar 2023 jyly 1 qańtarda kúshine endi. Olardyń arasynda Salyq, Áleýmettik kodekster, Konstıtýsıalyq sot, bazalyq kórsetkishter syndy mańyzdy taqyryptar qamtylǵan. Al Memleket basshysy bıyl kúshine enetin birqatar zańǵa ózgertýler engizdi. Máselen, qazaqy ıt tuqymdaryn saqtaý jáne ósimin molaıtý máseleleri. Endi tóbetter men tazylardy kútip-baptaýǵa kóńil bólinedi. Olardyń genetıkalyq profılin qurastyrýǵa ǵylymı zertteý júrgizilip, memlekettik qoldaý kórsetilmek.
«Tazy, tóbetterge arnalǵan zań óte qundy dep sanaımyn. Nege deseńizder, bul tazy men tóbet bizge atadan mura bolyp qalǵan. Maqsatymyz – múmkin bolǵansha qasterlep, óndirip, ósirip, keleshek urpaqqa, ósip kele jatqan bolashaqqa qaldyrý», – dedi kınolog Jaqyp Esbolaev.
Sondaı-aq sybaılas jemqorlyq faktisin ashqan adamdardyń qaýipsizdigin qorǵaý týraly zańǵa ózgeris engizilmek. Bul qujat burynnan bolǵan, biraq bıylǵy túzetýler kóbine eńbek ujymdaryna arnalmaq. Iaǵnı ujymda áriptesiniń ne basshysynyń jemqorlyqqa baryp jatqan áreketin áshkerelegen azamattardyń quqyǵy erekshe qorǵalyp, onyń qýdalanbaýyna jaǵdaı jasalady.
«Qazirgi qabyldanyp jatqan zań sondaı málimetter bergen adamdardyń tártiptik máselesi, jumys kestesi, basqa da jumysyndaǵy kelisimsharttyń talaptarynyń oryndalýyn ujymdyq deńgeıde sheshý, ıaǵnı ondaı adamdarǵa qatysty máseleni bastyq jeke-dara sheshpeıdi, ujymdyq keńes qana sheshedi», – dedi «Ádildik joly» QB qalalyq fılıalynyń dırektory Baýyrjan Maqulbaev.
Qasym-Jomart Toqaev ekologıaǵa zıan keltirgender men vandalızmge jol bergenderge ákimshilik jaýapkershilikti kúsheıtý týraly qujatqa da qol qoıdy. Budan ózge 2025 jyldarǵa deıingi respýblıkalyq búdjet týraly zań óz jumysyn bastaıdy. Sonyń negizinde bala kútimi boıynsha járdemaqy tóleý merzimi 1 jarym jasqa deıin uzarady, bazalyq zeınetaqy mólsheri kezeń-kezeńimen kóterilmek. Sondaı-aq eń tómengi jalaqy mólsheri 70 myń teńge, al bir aılyq eseptik kórsetkish somasy 3450 teńge bolyp bekitildi. Sonymen qatar qańtardyń 1-inen bastap Konstıtýsıalyq sot óz jumysyn bastady.
«Kóbi oılaıdy, Joǵarǵy Sot bizdiń sheshimimizdi buzyp nemese kúshinde qaldyrsa, dereý Konstıtýsıalyq sot sheshedi dep. Joq, olaı emes. Konstıtýsıalyq sotqa Úkimet tarapynan qabyldanǵan árbir zań, Parlament, Mınıstrler tarapynan keltirilgen quqyqtyq aktiler Konstıtýsıaǵa sáıkes pa, joq pa Konstıtýsıalyq sot soǵan ǵana jaýap beredi», – dedi «Ádildik joly» QB qalalyq fılıalynyń dırektory Baýyrjan Maqulbaev.
Bıyl jeke tulǵalardyń bankrottyǵy týraly zań qabyldanýy múmkin. Zań jobasy áli Parlamentte talqylanyp jatyr. Al shildede Áleýmettik kodeks qabyldanady dep kútilýde. Kodeks áleýmettik qaterge ushyraǵandardyń memleket tarapynan ómir boıyna kómek alýyna jol ashady. Sondaı-aq memlekettik qyzmettegi sheneýnikterdiń tabysy men shyǵyny arasyndaǵy aıyrmashylyq baqylaýǵa alynady. Alaıda bul zań 2027 jyly kúshine enedi dep josparlanǵan.