Keleli keńes!
Úılestirý keńesiniń kezekti 31-otyrysynda adam quqyqtaryn qorǵaý salasyndaǵy ózekti máseleler talqylanyp jatyr, dep habarlaıdy Almaty-akshamy.kz 24.kz-ke silteme jasap.
Onyń ishinde kásipkerlerdiń quqyǵyn qorǵaý, sotqa deıingi tergeýdi qadaǵalaý, joǵary tehnologıalardy engizý, sybaılas jemqorlyqpen jáne lańkestikpen kúres mindetteri búgingi jınalys taqyrybyna arqaý boldy. Femıda ókilderiniń Táýelsiz memleketter dostastyǵy aýmaǵynda turaqtylyqty qamtamasyz etýge qosyp jatqan zor úlesi týraly da sóz boldy.
Spıkerler «zań aldynda jurttyń bári teń» degen qaǵıdat aıasynda prokýratýra oryny asa mańyzdy ekenin aıtty. Qazaqstan keńes janyndaǵy baqylaý organdarynyń kóp jyldyq jumysyn joǵary baǵalaıdy.
Shara barysynda vedomstvolar ózara tájirıbe bólisip, sońǵy jyldardaǵy jetistikterin ortaǵa saldy. Jańa baǵyttar aıqyndaldy.
«Sizderdi Táýelsiz memleketter dostastyǵyna qatysýshy elderdiń bas prokýrorlary úılestirý keńesiniń 31-otyrysynyń ashylýymen quttyqtap, jumystaryńyzǵa sáttilik tileýge ruqsat etińizder. Memleket basshysy Qasym-Jomart Toqaev ta úılestirý keńesiniń jumysyna erekshe kóńil bólip keledi», - dedi Qazaqstan Respýblıkasynyń Memlekettik hatshysy Qyrymbek Kósherbaev.