Elimizdiń sý aıdyndarynda bir táýlikte 5 adam qutqaryldy.
Onyń ishinde 2 jasóspirim bar, dep habarlaıdy Almaty-akshamy.kz
Ótken táýlikte Aqmola, Shyǵys Qazaqstan, Batys Qazaqstan jáne Mańǵystaý oblystarynyń sý aıdyndarynda 5 adam qutqaryldy.
"Máselen, kókshetaýlyq qutqarýshylar Qopa kólin patrúldeý kezinde 1993 jyly týǵan er adamdy qutqaryp, jaǵaǵa jetkizdi. Ol mas kúıinde jaǵadan 600-700 metrge júzip, óz kúshimen jaǵaǵa jete almaǵan. Osyǵan uqsas jaǵdaı Óskemende tirkeldi. Onda óńirdiń qutqarýshylary Ertis ózenin patrúldeý kezinde 1974 jyly týǵan er adamdy qutqaryp, jaǵaǵa jetkizdi", - dep habarlady Tótenshe jaǵdaılar mınıstrliginiń baspasóz qyzmeti.
Jyl basynan beri ruqsat etilmegen oryndarda shomylǵan 2 702 adamǵa 23 810 728 teńgege aıyppul salynǵan.