Búginde qazaqstandyq fermerler gosagro.kz portaly arqyly 100 144 ótinim berdi. Aýyl sharýashylyǵy basqarmalarynyń qaraýynda 37 236 ótinim bar, 22 444 ótinimdi maquldanǵan joq, dep habarlaıdy Almaty-akshamy.kz Azattyq Ruhy-na silteme jasap.
Aýyl sharýashylyǵy mınıstrliginiń habarlaýynsha, «Kútý paraǵynda» jalpy somasy 96,5 mlrd teńgege 32 146 ótinim tur.
«Bul ótinimderdi júıe tolyǵymen óńdep, basqarmalar qazynashylyq júıesi arqyly tólenýde. Qazirgi ýaqytta fermerlerge shamamen 69,4 mlrd teńge tólendi», - dep atap ótti ASHM ókilderi.
Bul somadan basqa memlekettik sýbsıdıalaý júıesi arqyly aýyl sharýashylyǵy taýaryn óndirýshiler aldynda 28,4 mlrd teńgege sýbsıdıalar boıynsha byltyrǵy borysh óteldi.
«Qoldanystaǵy paıyzdyq mólsherlemeni sýbsıdıalaý sharttary boıynsha búgingi kúni 40,4 mlrd teńgege ótinimder maquldanyp, 35,8 mlrd teńge tólendi.
Jalpy, SBMAJ arqyly 133,6 mlrd teńge tólendi», - delingen habarlamada.
Sonymen qatar oblystyq ASHB «kútý paraǵyna» sáıkes fermerlerge 31,8 mlrd teńgege sýbsıdıany tólegen joq.
Paıyzdyq mólsherlemeni sýbsıdıalaýdyń jańa usynystary boıynsha 109,3 mlrd teńgege 5 077 ótinim berildi, qazirgi ýaqytta ASHB 18,5 mlrd teńgege 968 ótinimdi maquldap, rezervke jiberdi.
Osylaısha, Aýyl sharýashylyǵy basqarmalaryna paıyzdyq mólsherlemeni sýbsıdıalaý boıynsha 57,3 mlrd teńgege 2 881 usynys jetkizildi. Qaǵıdalarǵa sáıkes bul usynystarǵa qarajattyń túsýine qaraı shart jasalyp, qol qoıylady. Rezervten kelisý men qol qoıý satysynda 724 shart bar. 171 shartqa qol qoıyldy.
Aıta keteıik, qazir biryńǵaı memlekettik aqparattyq sýbsıdıalaý júıesi shtattyq rejımde jumys isteıdi jáne onda 52 110 paıdalanýshy tirkelgen.