Tótenshe jaǵdaılar mınıstrligi TJ-nyń aldyn alý men olardy joıý júıesindegi tıimdilikti arttyrý úshin sıfrlyq jáne ınovasıalyq tehnologıalardy engizý boıynsha jumysty jalǵastyrýda, dep habarlaıdy aqshamnews.kz.
Bul baǵyttaǵy mańyzdy qadam TJ-nyń aldyn alý jáne olardy joıý jónindegi barlyq is-qımyldardy úılestirýdiń negizgi elementine aınalǵan komandalyq ortalyqtyń jedel shtabynyń jumysy úshin jańartylǵan ahýaldyq zaldy engizý boldy. Munda yqtımal tehnogendik jáne tabıǵı apattardy boljaý, modeldeý jáne taldaý, sondaı-aq olardyń saldaryn baǵalaý quraldary bar sıfrlyq servıster shoǵyrlanǵan.
TJM sıfrlyq servısteriniń negizin «TJ GAJ» geoaqparattyq júıesi quraıdy, ol órt, tehnologıalyq avarıalar, meteorologıalyq apattar jáne munaıdyń tógilýi sıaqty túrli TJ monıtorıńi men boljaýǵa arnalǵan kishi júıelerdi qamtıdy. Sonymen qatar júıede óńirlerdiń sıfrlyq qaýipsizdik pasporttary jáne tarıhı derekterdi qosa alǵanda, Qazaqstan Respýblıkasynyń aýmaǵyndaǵy tabıǵı jáne tehnogendik TJ atlasyn kórsetetin ınteraktıvti kartalar paıdalanylady.
Júıeniń mańyzdy quramdas bóligi sel jaǵdaıyn baqylaý bolyp tabylady. Ol úshin sel qaýpi bar kezeńde Túrgen kólderi men Talǵar ózeniniń bógetinde PTZ-kameralar, sondaı-aq dachıkter men avtomattandyrylǵan UUA-ny paıdalana otyryp, muzdaq kólderdiń monıtorıńi avtomattandyrylǵan júıesi paıdalanylady.
Órt qaýipsizdigi salasynda «Sergek» kameralary, sondaı-aq orman sharýashylyqtaryndaǵy órtterdi anyqtaýǵa arnalǵan kameralar sıaqty beınebaqylaý júıeleri engizildi. Qazirgi ýaqytta «Ertis Ormany», «Býrabaı», «Semeı ormany» MOTR, «Medeý» RMK jáne elimizdiń barlyq aýmaǵyndaǵy basqa da obektilerdiń júıeleri iske qosylǵan.
Halyqty jedel habardar etý úshin TJM-de búkil elimizdegi sırena-sóıleý qondyrǵylaryn basqarýǵa múmkindik beretin otandyq aparattyq-baǵdarlamalyq keshen belsendi ázirlenýde. Paıdalanýshynyń ornalasqan jerin anyqtaýǵa, tótenshe jaǵdaılar boıynsha is-qımyldar nusqaýlyqtar berýge, sondaı-aq múmkindigi shekteýli adamdar úshin keri baılanysty qamtamasyz etýge múmkindik beretin mobıldi qosymshany qurý boıynsha jumys júrgizilýde.
Jańǵyrtýdaǵy mańyzdy qadam TJM, İİM, UU, QAJK sıaqty basqa da memlekettik organdarmen, sondaı-aq orman sharýashylyqtarymen jáne «Qarmet» uıymdarymen jedel ózara is-qımyl jasaý úshin biryńǵaı radıo jelisin salý bolyp tabylady.
Sonymen qatar sıfrlandyrý aıasynda qaýipsizdik pasporttaryn sıfrlandyrý jumystary jalǵasýda. Qazirdiń ózinde «sıfrlyq qaýipsizdik pasporty» ishki júıesi, sondaı-aq «ınteraktıvti karta» engizilgen, bul derekterdi ózektendirý jáne olardy kúndelikti qyzmette paıdalaný boıynsha aýmaqtyq bólimshelerdiń jumysyn edáýir jeńildetedi.
Qazirgi ýaqytta TJM qyzmetkerleriniń 20 myńnan astam jeke isi sıfrlandyryldy, bul kadr jumysyn odan ári avtomattandyrý úshin negiz bolyp tabylady. Aqparattyq júıede eseptilikti avtomattandyrylǵan qalyptastyrý da júzege asyrylady, bul personalmen jumys tıimdiligin arttyrýǵa, búrokratıany tómendetýge jáne kadr qyzmetine júktemeni azaıtýǵa yqpal etedi.
TJM sıfrlyq tehnologıalardy ıntegrasıalaý boıynsha jumysty jalǵastyrýda, bul tótenshe jaǵdaılarda is-qımyldardyń jedeldigin, tıimdiligi men dáldigin edáýir arttyrýǵa, sondaı-aq barlyq tartylǵan qurylymdar men organdardyń ózara is-qımylyn jaqsartýǵa múmkindik beredi.