Grýzıada jańa prezıdent saılandy
Qyzyqqa toly grýzın saıasatynyń kezekti maýsymy aıaqtaldy: 14 jeltoqsanda burynǵy fýtbolıst jáne qazirgi depýtat Mıhaıl Kavelashvılı Grýzıanyń altynshy prezıdenti atandy, dep habarlaıdy aqshamnews.kz
«Jeńisimizge eshkim kúmándanbasyn!» – dep málimdedi OSK basshysy Georgıı Kalandarıshvılı, jeńisti jarıalaǵan kezde. Kavelashvılı úshin 224 tańdaýshy daýys berdi, qajetti 200 daýystyń ózi jetkilikti edi. Aıtpaqshy, prezıdenttikke bir ǵana kandıdat tústi, sondyqtan «qatty tartys» bolǵany anyq.
Bul saılaý barysyndaǵy opozısıanyń ustanymy erekshe: olar bul joly «erekshe strategıa» tańdap, saılaýǵa qatyspaýdy uıǵarǵan.
Kavelashvılıdi «Grýzın armany» partıasy usynǵan. Burynǵy fýtbol alańynan saıasat alańyna ótken ol, mine, bes jyl boıy eldiń saıası komandasyn basqarady. Al ınaýgýrasıasy 29 jeltoqsanda ótedi, jańa jyl qarsańynda grýzınder taǵy bir merekeni atap ótpek.
Burynǵy prezıdent Salome Zýrabıshvılı saılaýdy «parodıa» jáne «arandatý» dep sıpattady. Ol jańa parlamenttik saılaý ótpeıinshe, óz ókilettigin tapsyrmaıtynyn málimdedi. Biraq grýzın saıasatynyń sarkazmmen sýsyndaǵan kórermenderi úshin munyń bári taǵy bir qyzyqty epızod qana. Grýzın sharabynyń astynda, árıne, «burynǵy» men «qazirgi» bıliktiń tartysy odan ári qyza túseri sózsiz.