2024 jyldyń 1 qańtarynan Tótenshe jaǵdaılar mınıstrliginiń shtat sany 121 birlikke ulǵaıtylady.
Bul týraly Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Almaty-akshamy.kz QazAqparat-qa silteme jasap.
«Qazaqstan Respýblıkasy Tótenshe jaǵdaılar mınıstrliginiń keıbir máseleleri týraly» Úkimettiń 2023 jylǵy 13 aqpandaǵy №122 qaýlysymen TJM lımıti 1 613 birlikke ulǵaıtyldy. Sondaı-aq, osy jyly Úkimet TJM shtat sanyn 2024 jylǵy 1 qańtardan bastap taǵy 121 birlikke ulǵaıtýdy josparlap otyr. Bir mezgilde 2025-2026 jyldarǵa qosymsha shtat sanyn bólý, onyń ishinde jańadan jumys istep turǵan órt sóndirý depolarynyń sany az órt sóndirý bólimderin nyǵaıtý, shuǵyl medısınalyq kómek brıgadalaryn, selden qorǵaý toptaryn, profesor-oqytýshylar quramyn, sonymen qatar ónerkásiptik qaýipsizdik jáne memlekettik órt baqylaý ınspektorlaryn kúsheıtý týraly másele pysyqtalatyn bolady», - dedi Úkimet basshysy jaýabynda.