Kilemde emes, qumda kúresti
Qonaevta alǵash ret jaǵajaıdaǵy sambo kúresinen Qazaqstan chempıonaty ótti, dep habarlaıdy Almaty-akshamy.kz.
Erler men áıeler 8 salmaq dárejesi boıynsha synǵa tústi. Komandalyq esepti qosqanda balýandar 11 medal jıyntyǵyn sarapqa saldy. 24.kz -tiń málimetine súıensek, jaǵajaı sambo kúresi elimizde endi ǵana damyp kele jatqan sport túri. Byltyr týrnır retinde ǵana uıymdastyrylǵan. Jarys ereksheligi – qarsylasyn qumǵa qulatqan palýanǵa upaı beriledi. Bıyl álemdik jarysqa qatysýǵa joldama beretin irikteý birinshiligi ótkizildi. Eldiń barlyq aýmaǵynan jınalǵan 150 sportshy ózara synǵa tústi. Júzden júırik shyqqandar tamyzda Domınıkana Respýblıkasynda ótetin álem birinshiligine joldama alady.
«Aıyrymashylyǵy bul jerde ýaqytpen jáne balmen aıyrmashylyq. Qarapaıym samboda qýyp jetip mysaly nemese parterde utyp ketýge bolsa, bul jerde biraq shans – quladyń boldy, balǵa tústiń boldy», -deıdi jaǵajaıdaǵy sambo kúresiniń chempıony Aınur Tórebaı.