TJM bir aı buryn 16 qarashada bastalǵan «Muz-2024» respýblıkalyq úgit-profılaktıkalyq aksıasynyń aralyq qorytyndysyn shyǵardy.
Qazaqstannyń soltústiginde muzdyń qalyńdyǵy qaýipsiz deńgeıge jetse, ońtústiginde muz qatý kezeńi endi ǵana bastaldy.
Birqatar óńirlerde, máselen Atyraý, Qyzylorda, Jambyl jáne Aqtóbe oblystarynda sý aıdyndarynyń muz jamylǵysy aldamshy, ıaǵnı muz áli tolyq qatqan joq, dep habarlaıdy aqshamnews.kz TJM saıtyna silteme jasap.
Aksıa aıasynda TJM qutqarýshylary mobıldi toptardyń quramynda elimizdiń sý aıdyndarynda 7 268 reıd pen patrúldeýdi júzege asyrdy.
Reıdter barysynda muzda ústindegi qaýipsizdik jáne muzda balyq aýlaý erejeleri túsindiriledi, barlyǵy 52 284 adamǵa nusqaý berildi. Olardyń jartysynan kóbi balyq aýlaý áýesqoılary men ańshylar. Eń joǵary táýekel aımaǵyndaǵy halyqty kóbirek qamtý úshin balyq aýlaý quraldary men basqa da ańshylyq kerek-jaraqtaryn bólshek saýdada satýdyń 760 núktesi qamtyldy, ár dúkende úgit materıaldary taratyldy.
Tek aksıa kezeńindegi reıdtik is-sharalar kezinde 9 eresek adam men 2 balanyń qaza bolýynyń aldyn aldy, qar qursaýynda kólikte turyp qalǵan adamdarǵa kómek kórsetildi, Shardara sý qoımasynyń jaǵasynan 10 km qashyqtyqta tumanda adasqan 2 balyqshy tabylyp, evakýasıalandy.
Aıta ketý kerek, mundaı jaǵdaılar qarapaıym qaýipsizdik erejelerin buzý kinásinen bolady. Quqyq buzýshylar ákimshilik jaýapkershilikke tartylady. Tek aksıa kezeńinde 156 hattama jasaldy, jalpy somasy 4 mln. astam teńge aıyppul salnátıjesinde adamdardyńyndy. Bul jaǵdaıda aıyppul ólimniń aldyn alý quraly bolyp tabylady.
«Muz-2024» respýblıkalyq úgit-profılaktıkalyq aksıasy 2025 jylǵy qys mezgili sońyna deıin jáne juqa muz kezeńi boıy ótkiziletin bolady! TJM-niń negizgi mindeti – adam óliminiń aldyn alý jáne sý aıdyndaryndaǵy (muzdaǵy) qysqy kezeńdegi tótenshe jaǵdaılarǵa (sonyń ishinde juqa muzǵa) jedel den qoıý!
TJM qarańǵyda, nashar kóringen kezde jáne muzdyń qatýy men erýi kezinde muzǵa shyǵýǵa qatań tyıym salynatynyn, jáne muzdyń qaýipsiz qalyńdyǵy bir adam úshin 10 santımetrden kem emes ekendigin eskeredi.
Muzda bolǵan kezde:
1) muzdyń juqa jáne tolyq qatpaǵan jerlerine shyǵýǵa;
2) muzdyń jekelegen (qaýipti) ýchaskelerinde toptarmen jınalýǵa;
3) muzdaǵy oıyqtarǵa, jaryqtarǵa jaqyndaýǵa;
4) ótkelder úshin bólingen oryndardyń shekarasynan tys kólik quraldarymen muzǵa shyǵýǵa;
5) ot jaǵýǵa;
6) 20 santımetrden az qashyqtyqta eki tesikti, al basqa jup tesikterden 2 metrden az qashyqtyqta eki tesikti tesý;
7) muzda jabdyqtar men qoqystardy qaldyrýǵa jol berilmeıdi.