TJM qyzmetkerleri batyldyq, rýh pen kásibılik qutqarýshylardyń ajyramas qasıetteri ekenin taǵy da dáleldedi.
Indonezıanyń Djakarta qalasynda ótken "GAMMA" MMA álem chempıonatynda bizdiń qutqarýshylar Ernaz Musabek, Mansýr Shahgereev jáne Saıran Saǵyndyqov altyn medaldy, kúmis medaldy ıelenip, Ádil Sultanbekov qola júldeger atandy, dep habarlaıdy aqshamnews.kz.
Sonymen qatar, TJM baspasóz qyzmetiniń málimetinshe, bizdiń úsh sportshymyz Qazaqstan Respýblıkasynyń eńbek sińirgen sport sheberiniń normatıvterin oryndady.
"Álem chempıonatynda elimiz ben TJM namysyn qorǵaý men úshin úlken mártebe. Búgingi jetistigimiz eń aldymen, bizdiń mınıstrimiz general-maıor Shyńǵys Árinovtyń qoldaýynyń nátıjesi. Qutqarýshynyń jumysy bizden tek kúsh pen myqtylyqty ǵana emes, sonymen qatar aqyl — oı men tózimdilikti talap etedi. Biz, qutqarýshylar, kún saıyn qyzmette de, sporttyq arenada da kúsh pen rýhtyń shegi joq ekenin dáleldedik",-dedi Ernaz Musabek.
Bul sporttaǵy joǵary jetistik Qazaqstan azamattarynyń qaýipsizdigin qamtamasyz etip júrgen qutqarýshylardyń kásibıligi men rýhynyń kúshin kórsetedi.