Kishkentaı kórermenderdiń qaýipsizdik mádenıetin arttyrý úshin TJM aýmaqtyq bólimsheleri múltfılmder shyǵarady.
«Balalardyń qaýipsizdigi - bizdiń basymdyǵymyz. Múltfılmder arqyly biz óskeleń urpaqqa uqypty minez-qulyq daǵdylaryn oıyn túrinde sińirýge tyrysamyz. Ár balanyń qaýipti qalaı boldyrmaýǵa bolatynyn jáne tótenshe jaǵdaıda ne isteý kerektigin bilýi mańyzdy», - dedi Shyǵys Qazaqstan oblysy TJD bastyǵy Rashıd Blálov aıtty.
Shyǵys Qazaqstan TJD men «Qazsınk» JSHS mamandary birlesip kezekti anımasıalyq fılm túsirdi. Buǵan deıin «Aııa men Tentek» keıipkerleri qys mezgilindegi qaýipsizdik erejeleri, jer silkinisi kezindegi áreketter, jazǵy sý aıdyndaryndaǵy jáne tabıǵattaǵy saqtyq sharalary týraly aıtyp bergen edi.
Múltfılmniń senarıi balalardyń qaýipsizdik sabaqtaryn ońaı meńgerýi úshin arnaıy ázirlengen. Bas keıipkerlerdiń mysalynda balalar órtke ákelýi múmkin qatelikterden aýlaq bolýdy úırenedi.
Múltfılmniń úıdegi órt qaýipsizdigi týraly jańa serıasy oblys ortalyǵyndaǵy kınoteatrlardyń birinde kórsetildi. Alǵashqy kórermender «Úmit» balalar úıiniń tárbıelenýshileri boldy.
Kórsetilimnen keıin balalar óz áserlerimen bólisip, qutqarýshylar ótkizgen órttiń aldyn alý boıynsha dáristi tyńdady.