TJ mınıstri qazaqstandyqtarǵa úndeý jasady
30 jeltoqsannan 3 qańtar aralyǵynda TJM bólimsheleri tótenshe jaǵdaılarǵa jedel den qoıý úshin qyzmettiń kúsheıtilgen rejımine kóshti. Kúshter men quraldar turaqty ázirlikte tur.
Mereke kúnderi aýa-raıynyń qolaısyzdyǵyna baılanysty TJM azamattardan daýyldy eskertýlerdi, aýa-raıynyń ózgerýin, joldardyń jabylýy týraly habarlamalardy baqylaýdy, sondaı-aq alys saparǵa shyqpaýdy suraıdy.
Aýyldyq jerlerde turatyn turǵyndarǵa aýa raıy nasharlaǵan jaǵdaıda alys qashyqtyqqa jaıaý júrýden bas tartýdy usynamyz.
Qazirgi ýaqytta aýa-raıynyń kúrt jylynýyna baılanysty elimizdiń keıbir óńirlerinde sý aıdyndarynda muzdyń juqarǵany baıqalady. Osyǵan baılanysty azamattardan juqa muzǵa shyqpaýdy jáne qaýipsiz júris-turys erejelerin qatań saqtaýdy suraımyz!
Jańa jyldyq is-sharalardy uıymdastyrýshylar men azamattardy órt qaýipsizdigi erejeleriniń talaptaryn saqtaýǵa shaqyramyz. Úı-jaıda otshashýlar men órtke ákelýi múmkin basqa da órt qaýipti jaryq áseri bar quraldardy paıdalanýǵa bolmaıdy.
Pırotehnıkalyq quraldardy abaısyz qoldaný órttiń paıda bolýyna ǵana emes, sonymen qatar jaraqat pen mertigýge ákelýi múmkin ekenin eske salamyz.
Sonymen qatar, turmystyq órt qaýipsizdigi erejelerin saqtap, balalardy eresekterdiń qaraýynsyz qaldyrmaý qajet.
Qarapaıym erejelerdi saqtaý sizdiń jáne jaqyndaryńyzdyń ómiri men densaýlyǵyn saqtaýǵa múmkindik beredi.
Jańa jyl otbasylyq mereke ekenin eskere otyryp, ony úıde otbasymen qarsy alý usynylady.