Qazaqstanda jer silkinisi qaýpi bar aımaqtarda jumys isteıtin qurylys salýshylarǵa qoıylatyn standarttar men talaptar kúsheıtildi. Bul týraly Tótenshe jaǵdaılar mınıstri Iýrıı Ilın aıtty, dep habarlaıdy Almaty-akshamy.kz Tengrinews.kz-ke silteme jasap.
Depýtattardyń suraǵyna jaýap bere otyryp, mınıstr Túrkıadaǵy jaǵdaı kóptegen elde seısmıkalyq qaýipsizdikti qamtamasyz etý máselesin qaıta qaraý qajettiligin týǵyzǵanyn atap ótti. Sonyń ishinde Qazaqstanda.
«Qazaqstanda 40 paıyzdan asa aýmaq jer silkinisi túrindegi tabıǵı apattarǵa beıim. Baqytymyzǵa oraı, ótken ǵasyrda bul aýmaqta joıqyn jer silkinisi bolǵan joq», - dedi Ilın Májilis otyrysynda.
Mınıstrdiń aıtýynsha, Qazaqstanda seısmıkalyq aımaqtardaǵy qurylys normalary kúsheıtilgen.
«Qazaqstan jer silkinisi qaýpi bar aımaqtarda jobalaý jáne qurylys normalaryn kúsheıtti. Olardy buljytpaı oryndaý jobalyq uıymdardyń, qurylys salýshylarynyń mindeti, qurylystyń sapasyna kóbine solar jaýapty. Tek iri qalalarǵa ǵana emes, sondaı-aq eshbir standarttarǵa jatpaıtyn, tıisinshe, joıqyn jer silkinisine tótep bere almaıtyn kirpishten salynǵan ǵımarattar men turǵyn úıler jıi qoldanylatyn eldi mekenderge de nazar aýdarǵan jón. Sondyqtan munda aýqymdy qarjylyq ınvestısıalardy qajet etetin jumys aýqymy keń», - dedi mınıstr.
Bul rette basqarma basshysy Tótenshe jaǵdaılar mınıstrliginiń Seısmologıa ınstıtýty uzaq jyldar boıy «jer silkinisin boljaý jáne monıtorıńti damytý máselelerinde is júzinde durys qarjylandyrylmaǵanyn» atap ótti. Degenmen, qazir 30-dan asa stansıa ınstıtýtqa berildi, bul «jer silkinisi qaýpin egjeı-tegjeıli taldaýǵa kómektesedi».
«Biz Túrkıadaǵy jumysqa tolyq saraptaý júrgizdik, salynǵan nysandardyń sapasy kóp jaǵdaıda standarttarǵa sáıkes kelmedi. Kóbinese beton ońaı ydyrap, armatýranyń ornyna qarapaıym temirler men symdar boldy, ol tótep bere almaıdy. Qazirgi ýaqytta Almaty ákimdigi jer silkinisine tózimdilikti anyqtaý jobasyna bastamashy boldy. Meniń oıymsha, bizde jetkilikti baı tájirıbe bar, ınfraqurylym men mamandar bar, bul QazQSǴZI bólimshesi, Almatyda ornalasqan. Olarda kez-kelgen ǵımarattyń sapalyq jaǵdaıyn egjeı-tegjeıli anyqtaýǵa múmkindik beretin aspaptyq taldaý bar. Sonymen qatar, ákimdik sarapshylardy tartýdy qarastyrady, taldaý neǵurlym egjeı-tegjeıli jáne 100 paıyz sapaǵa sáıkes bolýy úshin Japonıadan mamandardy tartý máselesi qarastyrylyp jatyr», - dep qosty Iýrıı Ilın.