2023 jyly Qazaqstanǵa 11 jańa ushaq satyp alynady.
Bul týraly QR Indýstrıa jáne ınfraqurylymdyq damý vıse-mınıstri Almaz Ydyrysov aıtty, dep habarlaıdy Almaty-akshamy.kz QazAqparatqa silteme jasap.
«Áýe reısteri sanyn kóbeıtý úshin kompanıalarmen birlesip ushaqtar parkin tolyqtyrý jospary qabyldandy. Byltyr 14 satyp alynsa, bıyl 11 ushaq jetkiziledi. Jalpy, 2025 jyldyń sońyna deıin parke taǵy da 42 ushaq qosylady. Osy oraıda ushaqtardyń sany 132-ge jetedi», - dedi A. Ydyrysov Senatta elimizdegi áýe kóligi máselelerine qatysty jıyn barysynda.
Onyń paıymynsha, áýe kóliginiń sany kóbeıgen jaǵdaıda turaqty reıster artyp, bılet arzandaıtyn bolady.
Qazirgi kezde áýe kóligi salasynda 6 qazaqstandyq tasymaldaýshy 56 ishki baǵdar boıynsha aptasyna 706 reısti oryndap keledi.