Jaz shyǵa sala, Almaty mańynda sýǵa túsýshilerdiń qarasy kóbeıgen.
Osyǵan baılanysty Almaty oblysy TJD sýdaǵy qaýipsizdik týraly eskertpe jasady, dep habarlaıdy Almaty-akshamy.kz
Almaty oblysy TJD sýdaǵy qaýipsizdik qaǵıdalaryn eske salady:
- jaǵadan alys, qaýipsizdik aımaq shekarasy belgilengen býıkadan asyp júzýge bolmaıdy;
- beıtanys jerlerde sýǵa túsýge bolmaıdy, sý túbinde batyp ketken bóreneler, tastar, korágalar bolýy múmkin;
- sýǵa qaıyqtardan, katerlerden, aılaqtardan jáne osy maqsattarǵa beıimdelmegen basqa da qurylystardan sekirýge bolmaıdy;
- shomylý úshin arnaıy bólingen oryndy tańdaý qajet;
- kemelerge (motorly, jelkendi), qaıyqtarǵa, barjalarǵa jaqyn júzýge bolmaıdy;
- batpaqty jerlerde jáne baldyrlar nemese tına bar jerlerde shomylýǵa bolmaıdy;
- kúnge qyzdyrynǵan soń nemese deneni qatty salqyndatqannan keıin sýǵa túsýge bolmaıdy;
- kún astynda kóp jatýdan, júgirgennen keıin, salqyn sýǵa birtindep beıimdelmesten tez sýǵa túsýge jáne sekirýge bolmaıdy;
- mas kúıinde sýǵa túsýge jáne shomylýǵa qatań tyıym salynady;
- úrlemeli matrastarmen, avtomobıl kamerasymen, úrlemeli oıynshyqtarmen júzbeńiz, ol quraldyń aqaýy bolýy múmkin, sóıtip adam kenetten sý astyna ketýi múmkin, al bul jaqsy júze biletin adamdardyń ózi úshin de óte qaýipti. Sonymen qatar, álsiz jeldiń de jaǵalaýdan alys alyp ketýi múmkin.
- eger sizdiń bulshyq etińiz tyryssa, shalqalap jatyńyz jáne jaǵaǵa qaraı júzińiz, bul rette búgilgen bulshyqetterdi jazyńyz, biraq eń jaqsysy – ózińizben birge «aǵylshyn» túıreýishi bolǵany durys. Tipti onymen bir ret shanshýdyń ózi ómirińizdi qutqarýy múmkin.
Osyndaı erejelerdi eskermegen almatylyq jigitterdi keshe keshkisin Qonaev qalasy jedel-qutqarý jasaǵy qutqaryp qaldy. Olar jaǵadan alys júzip, qurlyqqa óz betinshe jete almaı qalǵan.
Qonaev qalasy jedel-qutqarý jasaǵynyń kúshimen jastar jaǵaǵa jetkizildi. Qutqarý operasıasyna 4 qutqarýshy jáne 2 júzý quraly jumyldyryldy. Qutqarylǵandarǵa medısınalyq kómek qajet emes.