Abaı oblysy TJD qyzmetkeri Erasyl Qadyrbekov «Jyl tańdaýy – 2024» syılyǵynyń «Jyldyń jas batyry» nomınasıasynda laýreat atandy.
Saltanatty marapattaý rásiminde Semeı qalasynyń ákimi Nurbol Nursaǵatov jeńimpazdardy quttyqtap, olardyń jetistikteriniń qala úshin mańyzdylyǵyn atap ótti, dep habarlaıdy aqshamnews.kz sala mınıstrligine silteme jasap.
«Jyl tańdaýy – 2024» syılyǵy jyl saıyn memlekettik jastar saıasatyn júzege asyrýǵa belsendi qatysqany jáne qoǵamdyq ómirge qosqan úlesi úshin tabystalady. Úmitkerler túrli baǵyttar boıynsha usynylyp, jeńimpazdardy arnaıy komısıa anyqtady.
Erasyl Qadyrbekov óziniń kásibıligimen, janqıarlyǵymen jáne óz isine adaldyǵymen bul qurmetke laıyq boldy.
«Men úshin bul marapat úlken qurmet qana emes, sonymen qatar bizdiń jumysymyzdyń mańyzdylyǵyn eske salady. Men árqashan ómirdi qutqarý – erlik emes, árkimniń mindeti dep oıladym. Bul syılyq – búkil komandanyń eńbegi, óıtkeni tabys áriptesterdiń úılesimdiligi men qoldaýyna baılanysty»,-dep Erasyl Qadyrbekov atap ótti.