Almaty tótenshe jaǵdaılar departamenti qalada 12 qańtarda túnde kóktaıǵaq bolatynyn habarlady.
"Qazseldenqorǵaý" MM málimetinshe, túnde Almatynyń taýly aımaqtary men Almaty oblysynyń keı jerlerinde qar túrindegi jaýyn-shashyn túsedi. Qardyń qalyń túsýine baılanysty taýlarda qar kóshkini bolýy múmkin. Aldaǵy kúnderi taýǵa barýdan bas tartqan jón.
Osyǵan baılanysty Almaty tótenshe jaǵdaılar departamenti kólik ıeleri men jaıaý júrginshilerge kóktaıǵaq kezinde joldarda asa saq bolýdy eskertti:
qar men kóktaıǵaq kezinde kólik júrgizý qıyndaı túsedi, saldarynan jaıaý júrginshilerdi qaǵyp ketýi múmkin;
kóshelerdi jol qozǵalysy erejelerimen belgilengen oryndarda ótý kerek;
joldan ótken kezde uıaly telefonmen sóılesip, taǵy basqa isterge alańdamańyz;
aıaq kıimdi durys tańdaýǵa nazar aýdaryńyz. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolýǵa tıis;
qolyńyzdy qaltańyzǵa salmańyz, bul sizge muzda tepe-teńdikti saqtaýǵa múmkindik beredi;