Almatynyń Alataý aýdanynda oqýshy oryndarynyń tapshylyǵyn qysqartý maqsatynda qala ákiminiń tapsyrmasy boıynsha eki mekteptiń qurylysy júrgizilýde, ol aǵymdaǵy jyldyń sońyna deıin aıaqtalady. Birinshisi - 550 oryndyq «Saıaly-2» shaǵynaýdanynda, ekinshisi- 550 oryndyq «Zerdeli» shaǵynaýdanynda.
Aıta keterligi, mektep ǵımarattary joǵary, orta jáne bastaýysh synyptardy oqytýǵa arnalǵan bólek oqý bloktarynan jáne jalpy aýmaqtardan turady. Jobalarda biregeı ınterer dızaıny, sport alańdary, asqanalar jáne t.b. qarastyrylǵan.
Ǵımarattardyń tehnıkalyq jaraqtandyrylýy men konfıgýrasıasy oqý baǵdarlamasyn durys qabyldaý úshin ońtaıly ınsolásıany qamtamasyz etýge jáne demalys aımaqtaryn uıymdastyrýǵa múmkindik beredi. Mobıldiligi tómen toptar úshin jobada arnaıy lıfter qarastyrylǵan.
Aǵymdaǵy jyldyń 2 toqsanynda Almatyda memlekettik mektepterge úsh qosalqy nysan salý jumystary aıaqtalady. Bular - qajet ishki jáne syrtqy ınfraqurylymy bar tolyqqandy ǵımarattar. Mysaly, №59 gımnazıanyń oqý ǵımaraty 380 orynǵa eseptelgen, al onyń janynan 750 oryndyq qosalqy nysan salynýda.
Sondaı-aq, qalada 11 mektep seısmıkalyq kúsheıtilýde. Búginde 9 mektep boıynsha jumystar aıaqtaldy, qalǵan ekeýin kúsheıtý aǵymdaǵy jyldyń maýsym aıyna deıin josparlanýda.
Aıta keterligi, Almatyda barlyǵy 215 mektep jumys isteıdi, onyń 30 – y Alataý aýdanynda.
