Almatydaǵy jer silkinisi kezinde habarlamalar turǵyndarǵa ýaqytynda jetpegen edi.
Jańa norma bolashaqta osyndaı jaǵdaıdy boldyrmaý maqsatynda qabyldanyp otyr, dep habarlaıdy Almaty-akshamy.kz
Parlament májilisi keıbir zańnamalyq aktilerge baılanys, sıfrlandyrý jáne aqparattandyrý salasynyń ınvestısıalyq ahýalyn arttyrý máseleleri boıynsha ózgerister engizý týraly zań jobasyn ekinshi oqylymda qabyldady.
Zań jobasyna sáıkes, baılanys operatorlary óz jelilerinde habar almasý tehnologıasyn qamtamasyz etýge mindetti bolady. Bul tótenshe jaǵdaılar kezinde jiberiletin jedel SMS habarlamalarǵa baılanysty.
Sondaı-aq baılanys operatorlary jedel shtabqa olardyń ótinishi boıynsha mobıldi baılanys stansıalaryn berýge mindetteledi.
"Mysaly, orman órti aımaqtaryn komýnıkasıamen qamtamasyz etý. Jalpy alǵanda mundaı qajettilik áleýmettik, tabıǵı nemese tehnogendik sıpattaǵy tótenshe jaǵdaı qaýpi bolǵan kezde nemese tótenshe jaǵdaı jarıalanǵan kezde týyndaýy múmkin", - deıdi depýtattar.
Sondaı-aq baılanys operatorlary múgedektigi bar jandar úshin jeńildetilgen uıaly baılanys tarıfterin engizedi.