Tis shyqyrlatýdy medısınada «brýksızm»dep ataıdy.
Tek balada ǵana emes, tisti qaıraý nemese qyshyrlatý eresekterde de kezdesetin jaǵdaı. Ádette, halyq arasynda tisti qaıraýǵa qatysty "dıagnoz" taralyp ketken. Ony kóbine "ishinde qurty bar" dep jatady.
Munyń qate ekenin jáne qalaı emdeýge bolatynyn instagram jelisinde tanylǵan ıntegratıvti dáriger-pedıatr Aısholpan Ramazanqyzy óz paraqshasynda jazdy, dep habarlaıdy Almaty-akshamy.kz Ernur.kz-ke silteme jasap.
Dárigerdiń aıtýynsha, tisti qaıraý (qyshyrlatý, qytyrlatý) eshqandaı qurttyń belgisi emes. Buǵan basty sebep - balada stresti jaǵdaıdyń ótip jatqandyǵyn bildiretin kórinedi. Al ekinshi bir sebep - balanyń aǵzasyndaǵy magnııdiń jetispeýshigilin bildiredi. Aısholpan Ramazanqyzy mundaı jaǵdaıda ne isteý kerektigin de aıtty. Aldymen balany stresten shyǵarýda barynsha kómek berip, kóbirek nazar aýdarý qajet. Sondaı-aq balany magnıı tuzyna shomyldyryp, oǵan magnıı preparatyn berý kerektigin usyndy dáriger.
«Aǵzasynda magnıı tapshylyǵy bar balalardyń túngi uıqysy mazasyz, aıaqtyń qaqsaýy men aıaqtyń aýyrǵany jıi kezdesedi. Balalarda bulshyqettiń, súıektiń ósýine, stresti jaǵdaıǵa túspeýine yqpal etetin jáne eń paıdaly túri - magnııdiń sıratty túri», - deıdi dáriger.
Magnııdi balaǵa qalaı berý kerek? Em kýrsy 2 aı. Magnıı balaǵa em maqsatynda berilse 10mg/kg salmaqqa ólshep dozalaımyz. Magnııdi balanyń túngi uıqysy aldynda beremiz. Eger profılaktıkalyq maqsatta berilse, 5-6 mg/ kg salmaqqa ólsheımiz.
ESKERTÝ! Magnıı sıtrat formasy keı balalarda ish júrgizedi. İshin ótkizetin bolsa, magnıdiń basqa formasyn taǵaıyndaısyz: malat, glısınat, l-treonat (neıromag) Magnııdiń sıtrat formasyn ashqarynǵa ishpegen durys. Asqazannyń shyryshty qabatyn titirkendirýi múmkin. Magnııdiń sıtrat formasy asqazan ishek joldarynda jarasy bar balalarǵa bermegen durys!