Til ǵylymyna qatysty qundy dúnıeler bir jınaqqa toptasty
Qazaqstan Ulttyq ǵylym akademıasynyń 75 jyldyǵyna oraı «Til jáne tulǵa» jańa kitaby jaryqqa shyqty, dep habarlaıdy Almaty-akshamy.kz «Habar 24» saıtyna silteme jasap.
Avtory – fılologıa ǵylymdarynyń doktory, profesor Kárimbek Qurmanálıev. Jınaqqa qazaq til bilimi men túrkologıa damýyna ólsheýsiz úles qosqan ǵalymdar men lıngvıserdiń eńbekteri engen.
Olardyń qatarynda İsmet Keńesbaev, Máýlen Balaqaev, Ǵanetdın Musabaev, Ahmedı Ysqaqov, Rábıǵa Syzdyqova sıaqty elimizge tanymal tulǵalar bar. Kitap myń danamen basyldy. Sondaı-aq ony Ulttyq kitaphananyń saıtynan oqýǵa bolady.
Kárimbek Qurmanálıevtyń aıtýynsha, jınaq sala mamandaryna jáne kópshilik qaýymǵa arnalǵan. Kitapta ǵalymdardyń jurtshylyq bile bermeıtin qyrlary qosa baıandalady.
«Maǵan aqyl bergen, til bilimi kórsetkishiniń alty tomyn jazǵan akademık Shora Sarybaev osylardyń eńbekterin el bilý kerek qoı. Bul ensıklopedıalyq eńbek emes. Munda onyń jumystan tys kezindegi hobbılerin de jazdym. Sonymen birge jumys istegen aǵa býyndary ókilderi bar, belgili adamdardyń belgisiz qyrlaryn qosyp shyǵardym. Soǵan qaraǵanda, jalpy ǵalymdarǵa ǵana emes, jalpy jurtshylyqqa jaǵymdy oqıǵa bolady degen pikirim bar», - deıdi QR UǴA akademıgi, fılologıa ǵylymdarynyń doktory Kárimbek Qurmanálıev.