Shymkent Qylmystyq ister jónindegi aýdanaralyq soty dinı alaýyzdyqty qozdyrýǵa baǵyttalǵan qasaqana áreketteri úshin aıyptalǵan áıelge qatysty qylmystyq isti qarady, dep habarlaıdy aqshamnews.kz.
Sot málimetinshe, neotengrızmdi ustanǵan qazaqstandyq áıel bir jylǵa jýyq ýaqyt boıy TikTok áleýmettik jelisinde tikeleı efırler ótkizip, onyń barysynda dinı alaýyzdyq týdyrǵan.
Sottalýshy óz kinásin moıyndap, oǵan jeńil jaza taǵaıyndaýdy ótindi. Prokýror óz kezeginde sottan bas bostandyǵyn shekteý jazasyn taǵaıyndaýdy surady.
Sottalýshynyń shyn júrekten ókinýi jáne aýyrlatatyn mán-jaılardyń bolmaýy túrindegi jeńildetetin mán-jaılardy eskere otyryp, sot áıeldi eki jylǵa bas bostandyǵyn shekteýge úkim shyǵardy.
Úkim zańdy kúshine engen joq.