Jylý jelilerindegi beınetirkeýish: nysandardy tekserý kezinde jylý ınspeksıasy ınjenerleriniń jumysyndaǵy jańa standart
Almaty jylý jelileri tutynýshylarmen ózara is-qımyl kezinde jylý ınspeksıasynyń jumysyn jaqsartý úshin nysandardy tekserý kezinde beınetirkeýishterdi qoldana bastady. Bul bastama ınjenerler jumysynyń dáldigi men tıimdiligin arttyrýǵa, sondaı-aq derekterdi jınaýdy ońtaılandyrýǵa baǵyttalǵan.
Beıne jetondardy engizý – bul kúndelikti jumys barysynda úderisterdi sıfrlandyrý men ashyqtyqty arttyrýǵa jasalǵan qadam.
«Kásipornymyzda ınjenerlerdiń jumys tıimdiligi men ashyqtyǵyn arttyrý maqsatynda beınetirkeýishter engizildi. Bul qurylǵylar nysandardy tekserý kezinde jumys barysyndaǵy mańyzdy sátterdi tirkep, oryndalǵan tapsyrmalardy baqylaýǵa, sondaı-aq kásiporyn standarttarynyń saqtalýyn qadaǵalaýǵa múmkindik beredi», – dep túsindirdi jylý ınspeksıasynyń jetekshi mamany.
Beınetirkeýishter ınjenerlerge aqparatty naqty ýaqyt rejıminde jedel berýge, derekter arhıvin qurýǵa jáne sapany baqylaýǵa kómektesedi. Bul qurylǵylar yqtımal máselelerdi anyqtaý men shtattan tys jaǵdaılardyń aldyn alýǵa arnalǵan mańyzdy qural bolmaq.
«Bul sheshim óziniń tıimdiligin dáleldedi: beınetirkeýishter qyzmet kórsetý sapasyn arttyryp, qatelikter yqtımaldyǵyn tómendetedi jáne daýly máselelerdi sheshýge kómektesedi. Beınejazba jaǵdaıdy obektıvti túrde qaraýǵa jáne sybaılas jemqorlyqtyń aldyn alady», – dedi jylý ınspeksıasynyń basshysy Marjan Balbaeva.
Kásiporyn óndiristik prosesterdi ońtaılandyrý, qaýipsizdikti arttyrý jáne qyzmetkerler men tutynýshylar arasyndaǵy baılanysty jaqsartý úshin zamanaýı tehnologıalardy qoldanýǵa tyrysady. Beınetirkeýishterdi engizý – bul joǵary sapa standartyna baǵyttalǵan tıimdi ári ashyq óndiris qurýǵa jasalǵan taǵy bir qadam.
AlJJ atap ótkendeı, sıfrlyq tehnologıa jylý ınspeksıasy qyzmetkerleriniń jumys tıimdiligin arttyryp, jemqorlyq táýekelderin azaıtady.