QS World University Rankings reıtıńi 2004 jyldan beri júrgizilýde, oǵan qazaqstandyq joǵary oqý oryndary 2011 jyldan beri qatysyp keledi, dep habarlaıdy aqshamnews.kz.
Quacquarelli Symonds (QS) halyqaralyq reıtıń agenttigi kelesi reıtıńterdi qurastyrýshy bolyp tabylady:
- QS World University Rankings – álemniń úzdik ýnıversıtetteriniń reıtıńi;
- QS World University Rankings by Subject – álemdegi úzdik ýnıversıtetterdiń pándik reıtıńteri;
- QS Sustainability Rankings – turaqty damý maqsattaryna qol jetkizý boıynsha álemdegi úzdik ýnıversıtetterdiń reıtıńi;
- QS University Rankings by Region – úzdik aımaqtyq ýnıversıtetterdiń reıtıńteri (Eýropa, Latyn Amerıka, Azıa, Arab aımaǵy);
- QS Best Student Cities – álemniń úzdik stýdenttik qalalary; - QS Global MBA Rankings – úzdik MBA baǵdarlamalarynyń reıtıńi;
- QS Business Masters Rankings – úzdik magıstratýra baǵdarlamalarynyń reıtıńi;
- QS International Trade Rankings – úzdik halyqaralyq saýda boıynsha magıstratýra baǵdarlamalarynyń reıtıńi;
- QS Graduate Employability Rankings – túlekteriniń jumysqa ornalasýy boıynsha úzdik ýnıversıtetter reıtıńi;
- QS Stars University Rankings – belgili bir baǵyttar boıynsha úzdik ýnıversıtetterdiń reıtıńi.
QS World University Rankings álemdegi úzdik ýnıversıtetterdiń flagmandyq reıtıńinde qazaqstandyq JOO-lardyń sany sońǵy tórt jylda eki eseden astam ósti, al sońǵy úsh jylda 14-ten 21 ýnıversıtetke deıin bir jarym esege ósti.
Pándik reıtıńterde qazaqstandyq joǵary oqý oryndarynyń sany tórt jylda tórt esege ósti (2 joǵary oqý ornynan 8 ýnıversıtetke deıin). QS Sustainability Rankings turaqty damý maqsattaryna qol jetkizý salasyndaǵy álemniń úzdik ýnıversıtetteriniń reıtıńi erekshe oryn alady, onyń sońǵy shyǵarylymynda birden 12 qazaqstandyq JOO debút jasap, «Basqarý modeli» ındıkatory boıynsha barynsha senimdi nátıjelerdi kórsetti.
QS Stars baǵdarlamasyna qatysýshy qazaqstandyq joǵary oqý oryndarynyń sany sońǵy úsh jylda 22-ge deıin ósti. Bul baǵdarlama bedel men ǵylymı ónimdilikten ınklúzıvtilikke jáne ornyqty damýǵa qosqan úlesine deıin ár ýnıversıtettiń erekshe myqty jaqtaryn anyqtaýǵa múmkindik beretin táýelsiz aýdıt nátıjeleriniń arqasynda elimizdiń jetekshi joǵary oqý oryndaryna shet elderden daryndy stýdentter men oqytýshylardy tartý boıynsha jańa múmkindikter usynady.
| Qazaqstandyq ýnıversıtetter 2025 jylǵy Azıanyń úzdik ýnıversıtetteriniń top-500 (QS Asia University Rankings 2025) reıtıńinde | ||
| Oryn | ||
| Joǵary oqý orny | ||
| 2025 jyl | 2024 jyl | |
| 29 | 29 | ál-Farabı atyndaǵy Qazaq ulttyq ýnıversıteti |
| 65 | 71 | L.N.Gýmılev atyndaǵy Eýrazıa ulttyq ýnıversıteti |
| 89 | 105 | Satbayev University |
| 131 | 146 | Abaı atyndaǵy Qazaq ulttyq pedagogıkalyq ýnıversıteti |
| 138 | 144 | Muhtar Áýezov atyndaǵy Ońtústik Qazaqstan ýnıversıteti |
| 149 | 155 | Qazaq ulttyq agrarlyq zertteý ýnıversıteti |
| 167 | 206 | Akademık E.A.Bóketov atyndaǵy Qaraǵandy ýnıversıteti |
| 193 | 203 | Qoja Ahmet Iasaýı atyndaǵy Halyqaralyq qazaq-túrik ýnıversıteti |
| 230 | 261-270 | Qazaqstan-Brıtan tehnıkalyq ýnıversıteti |
| 264 | 251-260 | Ábilqas Saǵynov atyndaǵy Qaraǵandy tehnıkalyq ýnıversıteti |
| 269 | 301-350 | KIMEP Ýnıversıteti |
| 281 | 351-400 | Sáken Seıfýllın atyndaǵy Qazaq agrotehnıkalyq ýnıversıteti |
| 288 | 301-350 | D.Serikbaev atyndaǵy Shyǵys Qazaqstan tehnıkalyq ýnıversıteti |
| 305 | 351-400 | Abylaı han atyndaǵy Qazaq halyqaralyq qatynastar jáne álem tilderi ýnıversıteti |
| 345 | 501-550 | Narhoz ýnıversıteti |
| 345 | 351-400 | S.D.Asfendıarov atyndaǵy Qazaq ulttyq medısına ýnıversıteti |
| 354 | 291-300 | Almaty tehnologıalyq ýnıversıteti |
| 441-450 | 601-650 | Toraighyrov University |
| 451-460 | 601-650 | Yessenov University |
| 461-470 | 551-600 | Súleıman Demırel atyndaǵy ýnıversıtet |
| 501-520 | 601-650 | Shákárim ýnıversıteti |
| 521-540 | 601-650 | Manash Qozybaev atyndaǵy Soltústik Qazaqstan ýnıversıteti |
| 521-540 | 501-550 | Jáńgir han atyndaǵy Batys Qazaqstan agrarlyq-tehnıkalyq ýnıversıteti |
| 541-560 | 601-650 | Qorqyt Ata atyndaǵy Qyzylorda ýnıversıteti |
| 601-620 | 601-650 | M.H.Dýlatı atyndaǵy Taraz óńirlik ýnıversıteti |
| 621-640 | 501-550 | Sársen Amanjolov atyndaǵy Shyǵys Qazaqstan ýnıversıteti |
| 641-660 | 601-650 | Q.Jubanov atyndaǵy Aqtóbe óńirlik ýnıversıteti |
| 701-750 | 651-700 | İlıas Jansúgirov atyndaǵy Jetisý ýnıversıteti |
| 701-750 | 601-650 | Qaraǵandy ındýstrıaldy ýnıversıteti |
| 701-750 | 651-700 | Pavlodar pedagogıkalyq ýnıversıteti |
| 751-800 | 801+ | Halyqaralyq aqparattyq tehnologıalar ýnıversıteti |
| 751-800 | 701-750 | «Turan» ýnıversıteti |
| 801-850 | 801+ | Inovasıalyq Eýrazıa Ýnıversıteti |
| 801-850 | - | Qazaq ulttyq qyzdar pedagogıkalyq ýnıversıteti |
2024 jylǵy qyrkúıekte QS Global MBA Rankings úzdik MBA baǵdarlamalarynyń reıtıńteri jarıalandy, onda 2016 jyldan beri alǵash ret qazaqstandyq joǵary oqý oryndarynyń qatysýy birden úshke deıin artty.
Sondaı-aq Qazaqstan QS Best Student Cities Rankings álemniń úzdik stýdenttik qalalary reıtıńinde usynylǵan, oǵan elimizdiń eki qalasy – Astana jáne Almaty kiredi.
Joǵaryda atalǵan reıtıńterdiń sońǵy ekeýinde – QS Global MBA Rankings jáne QS Best Student Cities Rankings – Ortalyq Azıa elderinen tek Qazaqstan ǵana usynylǵan.
Azıa reıtıńiniń jańa shyǵarylymynda 25 el men aýmaqtan 985 JOO bar. Qazaqstandyq joǵary oqý oryndary úshin eń úlken básekelestikti Úndistan, Qytaı, Japonıa jáne Ońtústik Koreıanyń joǵary oqý oryndary quraıdy.
Jańa shyǵarylym reıtıńke qatysýshy qazaqstandyq joǵary oqý oryndarynyń pozısıalarynyń áserli serpinimen erekshelendi, olardyń úshten ekisi byltyrǵy nátıjelerin jaqsartty.
2025 jylǵy Azıanyń úzdik ýnıversıtetteriniń jańa reıtıńi QS Asia University Rankings 2025 quramyna 35 qazaqstandyq JOO kiredi, bul el tarıhyndaǵy joǵary bilimniń absolútti rekordy bolyp otyr.
«Qazaqstannyń Azıanyń úzdik ýnıversıtetteri reıtıńindegi (QS Asia University Rankings) pozısıalarynyń kúsheıýi joǵary bilim berýdiń eń joǵary standarttaryna sáıkestigin jáne halyqaralyq dárejede tanylýynyń ósýin kórsetedi. Bıylǵy jyly qol jetkizilgen oń dınamıka reıtıńke kiretin Qazaqstan ýnıversıtetteriniń úshten ekisiniń pozısıalarynyń jaqsarýymen jáne reıtıńtiń alǵashqy júzdigindegi qazaqstandyq joǵary oqý oryndarynyń sanynyń ekiden úshke deıin ulǵaıýymen sıpattalady. Mundaı áserli nátıjeler bilim berýde tıimdi tásilderdi qoldanýǵa múmkindik beretin bilim berý ortasynyń joǵary sapasynyń jáne bedel reıtıńiniń úzdiksiz ósýiniń arqasynda múmkin boldy», - dedi Quacquarelli Symonds aǵa vıse-prezıdenti Ben Saýter.
22 JOO óz pozısıalaryn jaqsartty, úsh JOO óz pozısıalaryn saqtady, bir JOO – Qazaq ulttyq qyzdar pedagogıkalyq ýnıversıteti – bir jyldyq úzilisten keıin reıtıńke oraldy.
Elimizdiń jetekshi úsh joǵary oqý orny reıtıńtiń birinshi júzdiginde tur, oǵan ál-Farabı atyndaǵy Qazaq ulttyq ýnıversıteti, L.N.Gýmılev atyndaǵy Eýrazıa ulttyq ýnıversıteti jáne qazir 89-orynda turǵan Satbayev University kiredi.
Qazaqstan bedel kórsetkishterin de edáýir arttyrdy: reıtıńke qatysýshy qazaqstandyq joǵary oqý oryndarynyń 77%-y akademıalyq bedel boıynsha jáne 89%-y jumys berýshiler arasyndaǵy bedel boıynsha óz nátıjelerin jaqsartty.
QS óńirlik dırektory Sergeı Hrıstolúbov: «Qazaqstandyq joǵary oqý oryndarynyń sany Azıanyń úzdik ýnıversıtetteri reıtıńinde (QS Asia University Rankings) 35-ke deıin ósti. Bul – Qazaqstannyń joǵary bilim tarıhyndaǵy absolútti rekordy. Ótken jylmen salystyrǵanda reıtıńke qatysýshy qazaqstandyq joǵary oqý oryndarynyń eseptik kórsetkishteriniń ortasha mánderi ádisnamanyń árbir ındıkatory boıynsha óskenin atap ótý óte mańyzdy, bul birqatar negizgi baǵyttardy qozǵaıtyn qazaqstandyq joǵary oqý oryndarynyń jahandyq básekege qabilettiligin arttyrý boıynsha júıeli jumys týraly kýálandyrady. Aǵymdaǵy jyly qazaqstandyq avtorlardyń birinshi jáne ekinshi toqsanda jýrnaldardaǵy jarıalanymdarynyń úlesi alǵash ret 70%-dan asty, bul ǵylymı zertteýlerdiń yqpalynyń artýyn jáne Qazaqstannyń bilim berý mekemeleri men ǵylymı uıymdarynyń jarıalaý strategıalarynyń tıimdiligin arttyrǵanyn kórsetedi. Qazaqstandyq joǵary oqý oryndaryn reıtıńterde odan ári ilgeriletý úshin negizgi múmkindikterdiń biri materıaldyq jáne materıaldyq emes yntalandyrýlar jasaý jáne akademıalyq jazý daǵdylaryn damytý arqyly oqytýshylar men qyzmetkerlerdi ǵylymı zertteýlerge tartý bolyp qala beredi», - dedi.
Osylaısha, qazaqstandyq joǵary oqý oryndarynyń halyqaralyq akademıalyq jáne jumys berýshiler qaýymdastyqtaryndaǵy bedeli nyǵaıa túsýde. Bilim berý ortasynyń joǵary sapasy reıtıńke qatysýshy qazaqstandyq joǵary oqý oryndarynyń basty básekelestik artyqshylyǵy bolyp qala beredi, buǵan oqytýshylar men stýdentter sanynyń araqatynasy ındıkatory boıynsha olardyń nátıjeleri dálel bola alady.
Reıtıńte qazaqstandyq joǵary oqý oryndaryn odan ári ilgeriletýdiń negizgi baǵyty halyqaralyq ǵylymı yntymaqtastyq jobalarayna qatysý, ǵylymı ónimdilikti arttyrý jáne qazirgi zamanǵy ǵylymı kún tártibine yqpalyn keńeıtý bolyp qala beredi.