Baıqaý jeńimpazdary 29 naýryzda jarıalanady.
Mádenıet jáne sport mınıstrliginiń qoldaýymen TikTok Naýryz meıramyna oraı onlaın-festıval ótkizedi, dep habarlaıdy Almaty-akshamy.kz
TikTok merekelik onlaın-festıval alańyna aınaldy. Iaǵnı #naýryz2023 arnaıy heshtegi boıynsha qazaqstandyqtar merekeni elimizdiń túkpir-túkpirinde qalaı atap ótetinin kórsete alady. Odan bólek, merekelik taǵamdardyń mázirin bólise alady nemese qyzyq dástúrler týraly aıta alady.
Onlaın ótetin shara Mádenıet jáne sport mınıstrliginiń qoldaýymen ótedi. Bul bastamany TikTok-taǵy tanymal kontent avtorlary da qoldaǵan.
Qazaqstannyń baı mádenıeti TikTok avtorlary úshin naǵyz shabyt kózi, olar ártúrli elden kelgen platformanyń mıllıondaǵan qoldanýshysymen rezonans týdyratyn shynaıy jáne tartymdy beınerolıkter jasaıdy.
Mysaly, #ıstorıakazahstana heshtegi boıynsha beınerolıkter 100 mıllıonǵa jýyq qaraldy, al #qazaqstanmádenıeti tegi boıynsha - 75 mıllıonnan astam qaralǵan.
TikTok-ta kóktem merekesi Naýryz Qazaqstannyń túkpir-túkpirinen platforma qaýymdastyǵyn biriktiredi jáne ulttyq dástúrlerdiń sulýlyǵyn odan da asha túsedi.
Onlaın-festıval #naýryz2023 arnaıy heshtegimen ótedi. TikTok platforma qoldanýshylaryn ulttyq mereke, onyń erekshelikteri men ádet-ǵuryptary týraly beınerolıkter túsirýge shaqyrady.
Úzdik vıdeorolık túsirgen avtorlar "Rocket Go" týrısik kompanıasynan baǵaly syılyqtar alady. Baıqaý jeńimpazy 2-shi jáne 3-shi júldeli oryndardyń ıegerleri 5 kún, 3 kún jáne 1 kún boıy Qazaqstannyń eń ádemi jerlerine saıahat jasaıdy.
Qoldanýshylar taqyryp retinde tórt baǵyttyń birin tańdaı alady:
- Taǵam: avtorlarǵa merekelik súıikti taǵamynyń mázirin bólisý usynylady.
- Saıahat: eldiń túkpir-túkpirinde Naýryz qalaı toılanatynyn áńgimelep berińiz nemese kórsetińiz.
- Mádenıet: merekeniń qyzyq ádet-ǵuryptaryn nemese dástúrlerin áńgimelep, kórsetip berińiz, Naýryzǵa baılanysty mıfter men ańyzdar týraly aıtyńyz.
- Án: ózińiz oryndaǵan ulttyq bıdi nemese súıikti qazaq mýzykasyn oryndaýyńyzdy bólisińiz.
Naýryzǵa arnalǵan onlaın-festıvaldiń qorytyndysy, úzdik beınerolıkter men baıqaý jeńimpazdary 29 naýryzda jarıalanady.