Oqý-aǵartý mınıstrliginiń qoldaýymen TikTok qysqa beınerolıkterdi ázirleýge arnalǵan jetekshi platforma #Qazaqstanmuǵalimderi nemese #ÝchıteláKazahstana heshtegimen baıqaý jarıalaıdy.
Baıqaý úshinshi jyl qatarynan ótýde, oǵan mektep muǵalimderi de, kolejder men joǵary oqý oryndarynyń oqytýshylary da qatysa alady, dep habarlaıdy aqshamnews.kz Oqý-aǵartý mınıstrligine silteme jasap.
Atalǵan bastama elimizdiń pedagogterin platforma aýdıtorıasymen óz tájirıbelerimen bólisýge múmkindik beredi. Ótken jyldardaǵy baıqaý jeńimpazdary Botagóz Omarova, Igor Gnoeva, Haıdar Myrzahmetov óz beınerolıkteri arqyly mıllıondaǵan laık jınap, áleýmettik jeli qoldanýshylarynyń yqylasyna bólengen edi.
«Baıqaý arqyly men bilim berý mazmunyn qurýdyń jańa tásilderin tabýǵa jáne óz bilimimdi bólisýge úırendim. Bul maǵan dástúrli oqytý sheńberinen shyǵyp, oqýshylarǵa kúrdeli taqyryptardy túsinikti jáne qyzyqty jetkizýdiń jolyn tabýǵa múmkindik berdi. Oqýshylarymnyń fızıkany talqylap, óz oılarymen bólisip, tipti eksperıment úshin jańa ıdeıalar oılap taýyp jatqanyn kórý men úshin erekshe qýanysh boldy», — deıdi 2023 jylǵy baıqaýdyń jeńimpazy, fızıka pániniń muǵalimi Haıdar Myrzahmetov.
Baıqaýǵa TikTok-ta tanymdyq kontent jasaıtyn nemese ony bastaǵysy keletin mektep muǵalimderi men kolejder, joǵary oqý oryndarynyń oqytýshylary qatysady Qatysýshylar 4 qarasha - 3 jeltoqsan aralyǵynda platformada óz páni boıynsha qysqa tanymdyq beınerolıkter jarıalaýy qajet. Rolıkterdiń uzaqtyǵy keminde 30 sekýnd jáne #Qazaqstanmuǵalimderi heshteginiń kórsetilýi mańyzdy.
Bıylǵy jyly ulttyq baıqaýdyń úsh jeńimpazy bolady. Olar krıterııler jıyntyǵy negizinde, sonyń ishinde laık, qaralym sany, beınerolık sapasy jáne oqytylatyn pánge sáıkestigi negizinde baǵalanady.
Baıqaý jeńimpazdary iPhone 16 Pro smartfondaryna ıe bolady, bul olarǵa odan da jaqsy beınekontent jasaýǵa kómektesedi.
Tolyq erejeler TikTok qosymshasynda https://activity.tiktok.com qoljetimdi.