Reuters agenttiginiń habarlaýynsha, qoldanbany ashýǵa tyrysqan qoldanýshylar TikTok-tyń qoljetimsiz ekeni týraly habarlamany kóredi.
TikTok AQSH-ta tıisti federal tyıym kúshine enbeı turyp, jumysyn toqtatty, dep habarlaıdy aqshamnews.kz
"AQSH-ta TikTok-ty paıdalanýǵa tyıym salatyn zań qabyldandy. Ókinishke qaraı, bul sizdiń TikTok-ty ázirge paıdalana almaıtynyńyzdy bildiredi. Prezıdent Tramp qyzmetine kirisken soń, TikTok-ty qalpyna keltirý úshin bizben jumys isteıtinin naqty aıtty. Jańalyqtardy baqylap otyryńyz", – delingen qosymshadaǵy habarlamada.
Al Tramp TikTok-qa AQSH-ta tyıym salýǵa 90 kúndik merzim berýdi josparlap otyr.
AQSH-tyń saılanǵan prezıdenti Donald Tramp NBC News jáne ABC telearnalaryna bergen suhbatynda, bul týraly ınaýgýrasıadan keıin málimdeme jasaıtynyn habarlady.
"Bálkim, 90 kúnge uzartamyn – ózderińiz biletindeı, 90 kúndik merzim bar. Biz bir sheshim tapqansha, muny jasaımyn", – dedi Tramp ABC News arnasyna bergen suhbatynda.
Juma kúni AQSH Joǵarǵy soty TikTok-qa tyıym salý týraly zańdy rastady. Zańǵa sáıkes, TikTok-tyń ıesi, qytaılyq ByteDance kompanıasy 19 qańtarǵa deıin platformany satpasa, qosymshaǵa tyıym salynady. ByteDance satyp alýshyny izdeýden bas tartqan.
Óz kezeginde TikTok ókilderi bılik tarabynan kepildikter bolmaǵan jaǵdaıda, jeksenbi kúni AQSH qoldanýshylaryna qyzmetti óshiretinin málimdedi.
Al TikTok paıdalanýshylarynyń bultty derekterin AQSH-ta saqtaıtyn Oracle kompanıasynyń basshylyǵy serverlerdi óshirýge daıyndalyp jatyr, dep habarlaıdy Reuters The Information saıtyna silteme jasap.