Bul týraly Almatyǵa jumys saparymen barǵan kólik mınıstri Marat Qarabaev aıtty.
Qaskeleńnen Almatyǵa aparatyn jol 8 jolaqqa deıin keńeıtilip, bes arnaıy kólik estakadasy salynady, dep habarlaıdy aqshamnews.kz
Kólik mınıstrligi baspasóz qyzmetiniń habarlaýynsha, atalǵan jumys Memleket basshysynyń Almaty aglomerasıasyn damytý jónindegi tapsyrmasy aıasynda júrgiziledi.
Qurylys eki kezeńde júrgizilmek:
birinshi kezeń aıasynda ÚAAAJ-nan (Úlken Almaty aınalma avtomobıl joly) Qaskeleń ótkeline deıingi ýchaske qamtylsa,
ekinshi kezeńde Qaskeleń ótkelinen Áıteı aýylyna burylysqa deıingi ýchaske qamtylmaq. Jobalaý jumystary bastaldy.
"Atalǵan shara kólik qatynasyn jaqsartýǵa jáne jol júrý ýaqytyn edáýir qysqartýǵa múmkindik beredi dep kútilýde. Sóz etilgen ýchaskedegi ótkizý qabileti táýligine 60 myńnan 90 myń kólikkk deıin ulǵaıady. Joldyń keńeıýi keptelistiń tómendeýine ákeledi dep kútilýde. Avtokólik júrgizýshileri men jaıaý júrginshiler úshin qozǵalys qaýipsizdigin qamtamasyz etý úshin mamandar 12 jer ústi jaıaý júrginshiler ótkelin salady", delingen habarlamada.